ەۇۋ عىلىمي كەڭەسى نەمەسە پاتريوتتىق تاربيە، "جەلتوقسان 86"

قالالىق اكىمشىلىكتە "قازاقستاندىق پاتريوتيزم: تاريحى مەن بۇگىنى" اتتى كىتاپ قولىما ءتۇستى.

ەۇۋ-ءنىڭ عىلىمي كەڭەسىنىڭ ۇسىنىسىمەن شىققان بۇل كىتاپقا 10 عاسىردان باستالعان تاريحي داتالار مەن تۇلعالار ەنگىزىلگەن ەكەن. كوپ دۇنيە قامتىلعان.

414 بەتتەن تۇراتىن بۇل كىتاپتىڭ بەرگى تاريحىمىزعا قاتىستى جەرىنە كوز جۇگىرتكەنىمدە، 1979 جىلعى 16-19 ماۋسىم تسەلينوگرادتاعى نەمىس اۆتونومياسىن قۇرۋ ساياساتىنا قارسى ەرەۋىلدەردەن كەيىن، بىردەن، 1992 جىلعا تسەلينوگرادتىڭ اتىن اقمولاعا اۋىستىرىلۋىمەن جالعاسىپتى.
Stop.

اينالايىن، عالىمدار، تاريحشىلار مەن كىتاپ قۇراستىرۋشىلارى:
دۇنيەنى ءدۇر سىلكىندىرگەن، قورلانىپ قالعان حالىق نارازىلىعىنىڭ جانارتاۋداي اتىلعان، الماتىدا الاڭعا شىققان ستۋدەنت، جۇمىسشى جاستار - 1986 جىلعى جەلتوقسان ۇلت-ازاتتىق كوتەرىلىسى قايدا؟!...

تاۋەلسىزدىك كۇنى (16 جەلتوقسان) مەن جەلتوقساننىڭ - قر دەموكراتيانىڭ جاڭارۋ كۇنىنە جەتكىزبەي (17جەلتوقسان), 10 جەلتوقساننان ستۋدەنت جاستاردى اۋىلدارىنا ءماجبۇرلى تۇردە قايتارۋدى ادەتكە اينالدىرعاندارىڭىزدان قانداي پاتريوتتىق تاربيە كورۋگە بولادى؟

كەشىرىڭىزدەر، كىتاپتىڭ اتى دا "قازاقستاندىق پاتريوتيزم: تاريحى مەن بۇگىنى" ەكەن عوي، ءبىر سوزبەن، "پاتريوتيزم ۆ كازاحستانە: يستوريا ي سوۆرەمەننوست"

قۇرمانعازى راحمەتوۆ 

Abai.kz