الماتى. 18 ماۋسىم. قازتاگ – قىرعىزستاندا رەسپۋبليكا پرەزيدەنتتىگىنە كانديداتتاردى تىركەۋ رەسمي اياقتالدى. بۇل تۋرالى بىشكەكتە ءباسپاسوز ءماسليحاتىندا ورتالىق سايلاۋ كوميسسياسىنىڭ توراعاسى دامير ليسوۆسكي ءمالىم ەتتى، دەپ حابارلايدى «فەرعانا.رۋ» «24.kg» اقپارات اگەنتتىگىنە سىلتەمە جاساپ.

ليسوۆسكيدىڭ ايتۋىنشا، 18 ماۋسىمدا تىركەلگەن كانديداتتاردىڭ سايلاۋ الدى ۇگىت-ناسيحاتى باستالادى.

«مەملەكەت باسشىسىنىڭ سايلاۋىنا قاتىسۋعا نيەت تانىتقانداردىڭ سانى 22 ادام بولعان. التاۋى ءوز وتىنىشتەرىن قايتارىپ السا، ون ادامدى تىركەۋدەن باس تارتىلدى. بۇگىنگى كۇنى التى كانديدات تىركەلدى – قازىرگى پرەزيدەنت قۇرمانبەك باكيەۆ، جەنىشبەك نازاراليەۆ، تەمىر ساريەۆ، المازبەك اتامباەۆ، توقتايىم ۇمەتاليەۆا جانە نۇرلان موتۋەۆ. ولار بارلىق تالاپتاردى ورىندادى»، - دەپ حابارلادى قىرعىزستان وسك باسشىسى.

قىرعىزستان پرەزيدەنتىنىڭ سايلاۋىندا داۋىس بەرۋ قۇقىعىنا يە سايلاۋشىلاردىڭ جالپى سانى 2 ميلليون 700 مىڭ ادامدى قۇرايدى. رەسپۋبليكا سىرتقى ىستەر مينيسترلىگىنىڭ مالىمەتتەرىنە سايكەس، داۋىس بەرۋ قۇقىعىنا يە 102 مىڭ قىرعىزستاندىق شەتەلدە تۇرىپ جاتىر. ولار ءۇشىن الەمنىڭ 23 مەملەكەتىندە 51 سايلاۋ ۋچاسكەسى اشىلادى. ۋچاسكەلەردىڭ ەڭ كوپ سانى رەسەيدە – 21 جانە قازاقستاندا – 5.

ليسوۆسكيدىڭ ايتۋىنشا، قىرعىزستان پرەزيدەنتىنىڭ سايلاۋىنا مونيتورينگ جۇرگىزۋ ءۇشىن ەلگە مىڭعا جۋىق حالىقارالىق باقىلاۋشى كەلەدى. پرەزيدەنتتىك سايلاۋدى وتكىزۋگە 153 ميلليون سوم ($4 ملن.) ءبولىندى.

الماتى. 18 ماۋسىم. قازتاگ – قىرعىزستاندا رەسپۋبليكا پرەزيدەنتتىگىنە كانديداتتاردى تىركەۋ رەسمي اياقتالدى. بۇل تۋرالى بىشكەكتە ءباسپاسوز ءماسليحاتىندا ورتالىق سايلاۋ كوميسسياسىنىڭ توراعاسى دامير ليسوۆسكي ءمالىم ەتتى، دەپ حابارلايدى «فەرعانا.رۋ» «24.kg» اقپارات اگەنتتىگىنە سىلتەمە جاساپ.

ليسوۆسكيدىڭ ايتۋىنشا، 18 ماۋسىمدا تىركەلگەن كانديداتتاردىڭ سايلاۋ الدى ۇگىت-ناسيحاتى باستالادى.

«مەملەكەت باسشىسىنىڭ سايلاۋىنا قاتىسۋعا نيەت تانىتقانداردىڭ سانى 22 ادام بولعان. التاۋى ءوز وتىنىشتەرىن قايتارىپ السا، ون ادامدى تىركەۋدەن باس تارتىلدى. بۇگىنگى كۇنى التى كانديدات تىركەلدى – قازىرگى پرەزيدەنت قۇرمانبەك باكيەۆ، جەنىشبەك نازاراليەۆ، تەمىر ساريەۆ، المازبەك اتامباەۆ، توقتايىم ۇمەتاليەۆا جانە نۇرلان موتۋەۆ. ولار بارلىق تالاپتاردى ورىندادى»، - دەپ حابارلادى قىرعىزستان وسك باسشىسى.

قىرعىزستان پرەزيدەنتىنىڭ سايلاۋىندا داۋىس بەرۋ قۇقىعىنا يە سايلاۋشىلاردىڭ جالپى سانى 2 ميلليون 700 مىڭ ادامدى قۇرايدى. رەسپۋبليكا سىرتقى ىستەر مينيسترلىگىنىڭ مالىمەتتەرىنە سايكەس، داۋىس بەرۋ قۇقىعىنا يە 102 مىڭ قىرعىزستاندىق شەتەلدە تۇرىپ جاتىر. ولار ءۇشىن الەمنىڭ 23 مەملەكەتىندە 51 سايلاۋ ۋچاسكەسى اشىلادى. ۋچاسكەلەردىڭ ەڭ كوپ سانى رەسەيدە – 21 جانە قازاقستاندا – 5.

ليسوۆسكيدىڭ ايتۋىنشا، قىرعىزستان پرەزيدەنتىنىڭ سايلاۋىنا مونيتورينگ جۇرگىزۋ ءۇشىن ەلگە مىڭعا جۋىق حالىقارالىق باقىلاۋشى كەلەدى. پرەزيدەنتتىك سايلاۋدى وتكىزۋگە 153 ميلليون سوم ($4 ملن.) ءبولىندى.

قىرعىزستاندا مەملەكەت باسشىسىنىڭ سايلاۋى ءوتۋى ءتيىس مەرزىمنەن ءبىر جىل بۇرىن وتكەلى تۇر. بۇل ەلدە پرەزيدەنتتىك وكىلەتتىكتىڭ مەرزىمى - بەس جىل. قۇرمانبەك باكيەۆ بۇل قىزمەتكە 2005 جىلى جازدا سايلانعان بولاتىن. الايدا كوكتەمدە رەسپۋبليكانىڭ كونستيتۋتسيالىق سوتى سوتسيال-دەموكراتيالىق پارتيانىڭ وكىلى، پارلامەنت دەپۋتاتىنىڭ جەكە ساۋالىن قاراپ، سايلاۋدى بيىل وتكىزۋ تۋرالى شەشىم قابىلدادى.

سايلاۋ بارىسىندا نەگىزگى كۇرەس قۇرمانبەك باكيەۆ پەن المازبەك اتامباەۆتىڭ اراسىندا جۇرەدى دەپ بولجانىپ وتىر.