بۇل تۋرالى زەلەنسكي ۋكراينا اسكەريلەرىمەن وتكەن جينالىستان كەيىن مالىمدەدى. بۇل جيىندى زەلەنسكي ەلدىڭ شىعىسىنداعى جاعداي ۋشىققان ساتتە وتكىزدى. 6 تامىزدا سەپاراتيستەر قولىنان ۋكراينالىق ءتورت اسكەري مەرت بولدى.
«تاڭەرتەڭ پۋتينمەن سويلەستىم، ۋكراينالىق اسكەريلەردىڭ ءولىمى ەكى ەلدى بەيبىتشىلىككە جاقىنداتپايتىن ايتتىم. پۋتيننەن سەپاراتيستەرمەن سويلەسىپ، ولارعا ءبىزدىڭ ادامداردى ءولتىرۋدى توقتاتۋدى ەسكەرتۋىن سۇرادىم» دەدى زەلەنسكي. ۋكراينا پرەزيدەنتىنىڭ ءسوزىن «ربك ۋكراينا» سايتى جاريالادى.
21 ماۋسىمدا ۋكراينا شىعىسىندا كەزەكتى رەت ءبىتىم جاريالانعان. بىراق ەكى تاراپ ءبىر-ءبىرىن ءبىتىم شارتتارىن بۇزدى دەپ ايىپتايدى. ۋكراينا شىعىسىنداعى جاعدايدىڭ قيىنداۋىنا بايلانىستى زەلەنسكي تۇركياعا ساپارىن كەيىنگە شەگەرۋى مۇمكىن. ول فرانتسيا پرەزيدەنتى ەممانۋەل ماكرون جانە گەرمانيا كانتسلەرى انگەلا مەركەلمەن دونباسس كەلىسسوزىن تالقىلايتىنىن حابارلادى.
كرەمل زەلەنسكي مەن ءپۋتيننىڭ تەلەفونمەن سويلەسكەنىنە جايلى مالىمدەمە جاساعان جوق.
ۋكراينا شىعىسىنداعى قاقتىعىستان 2014 جىلدان بەرى 13 مىڭ ادام مەرت بولدى. ۋكراينانىڭ دونەتسك جانە لۋگانسك ايماعىن رەسەي قولدايتىن سەپاراتيستەر باقىلاۋدا ۇستاپ وتىر.
Abai.kz
