جۇما, 29 ناۋرىز 2024
46 - ءسوز 5165 4 پىكىر 28 تامىز, 2019 ساعات 13:54

تىم ارزانداپ كەتتىك

ءسوز قۋعان، كوپ ءسوزدى، مىلجىڭ بوپ كەتكەن سەكىلدىمىز.

كەزىندە 2016 جىلى، تۋرا جەر ميتينگىسى كەزىندە قاراقات ءابىلدينا قىدىرالىگە "توقال اپەرەم" دەپ شۋلاتتى. بارلىق جۇرت شىنىمەن ءۇش كۇن شۋلادى.

كەيىن، قىدىرالى:
-"جەر ميتينگىسىندە حالىق نازارىن قالاي دۇرىس بولۋگە، كوتەرىلىستىڭ الدىن الۋعا بولادى؟" دەپ تۇنىمەن ۇيىقتاي الماي شىعىپ، تاڭەرتەڭ وسى اقىلدى تاۋىپ، قاراقاتقا جازعىزىپ، ءبىر بۇلىكتىڭ الدىن الىپ قالدىم، - دەپ جىرتىلعان ەدى.
ول كەزدە دە جاپپاي شۋلادىق، كۇلدىك، سىنادىق، باسىلدىق. سول كەزدە قىدىرالىنى "قىزىق ادام ەكەن، جۇرت الداناتىن بالا ما ەدى؟" دەپ كۇلگەن ەدىم. سويتسەم ونىكى راس ەكەن. كوز جەتتى. بولمايتىن ۇساق-تۇيەككە شۋلاي بەرەتىن قاۋىمعا اينالىپ كەتىپپىز.

ودان كەيىن دە قانشاما رەت بولمايتىن دۇنيەلەرگە شۋلاپ، بولمايتىن بىرەۋلەردىڭ حايپىنە تايىپ جىعىلىپ جاتتىق. ءسوزىن تولىق ايتا المايتىن القاشتان جۇلدىز جاسادىق. جالاڭاشتان كوسەم جاسادىق.

ءانشى مەن شوۋمەننىڭ ىشكەنى مەن جەگەنىن اڭدىپ، باق بولسا ءبىراز ءانشىنىڭ اتتاپ باسقانىن باعىپ كەتتى. ەكى سيىر ەكى كۇندىك شوۋ.
كونتەكستەن جۇلىنىپ الىنعان الدەبىر جۇلدىزدىڭ ءبىر ءسوزىن بەس كۇن تالقىلايمىز. بىرەۋ جىلتىر سويلەسە كوسەم جاساپ، بىرەۋ سۇرىنسە تاعدىر تالقىلايمىز. نە دەگەن ارزاندىق دەپ ويلايمىن.

عىلىم قايدا، ءبىلىم قايدا، ەكونوميكا قايدا، الەم قايدا كەتىپ بارا جاتىر؟ ولارعا جاسالعان ساراپتاماعا پىكىر بىلدىرەتىن ادام دا نەكەن ساياق. ورەمىز قوي مەن تويدان اسپاي جاتىر.

ءدال سىزدەر ەكى سيىر مەن سەكسەن ەكىدەگى اعامنىڭ تويىن تالقىلاپ جاتقاندا، ءبىلىم جانە عىلىم مينيسترلىگى ءبىلىم جانە عىلىم سالاسىنىڭ 2020-2025 جىلدارعا ارنالعان باعدارلاماسىن جاسايتىن كوميسسيا قۇرامىن بەكىتتى. ىشىندە كىلەڭ باستىق، شۋلاعان بەلسەندى قاۋىمدى دا، بىلىكتى ۇستازدارىڭىزدى دا اينالىپ وتە شىقتى. سەبەبى، ولار دا بىلەدى، ءبىزدىڭ بالانىڭ بولاشاعىنان دا "قىزىق" دۇنيەنى تالقىلاپ، ءماز بولىپ جاتقانىمىزدى. ال، ەرتەڭ باعدارلاما قابىلدانىپ كەتكەن سوڭ، قىلىشىمىزدى ب*ققا شاۋىپ القىنامىز، جەردەن الىپ، جەرگە سالامىز، بىراق، بۇگىنگى ءوزىمىزدى ۇمىتامىز ول كەزدە...

جاقسى، ءبىلىم باعدارلاماسىن كوميسسيا قۇرا بەرسىن، ونى تالقىلاماساڭىزدار، بۇگىن پرەزيدەنت قاسىم-جومارت توقاەۆ پرەمەر، مينيسترلەردى ورىنباسارلارىمەن قوسا جيناپ الىپ، قازاقستان رەسپۋبليكاسىنىڭ 3 جىلدىق بيۋدجەتىن بەكىتىپ جاتىر. "نەگىزسىز يميدجدىك شىعىنداردى ازايتامىز، نەگىزگىسىن قالدىرامىز" دەيدى. بۇل دا قىزىق ەمەس ءبىزدىڭ جۇرتقا، سالىق تولەۋشىنىڭ قالتاسىنان، اتا-باباڭ قورعاپ كەتكەن دالاداعى بايلىقتىڭ قالاي جۇمسالۋى دا قىزىقتىرمايدى.
بىراق، ەرتەڭ "ۇكىمەت بوس شىعىن شاشتى" دەپ تاعى دا جاتىپ كەپ شۋلايمىز، الاقان جايىپ، سۇرانشى دەپ كىنالاعاندارىنا مۇمكىندىك بەرەمىز. قىزىق حالىقپىز ءيا؟

نەگە وسىنشا داۋرىقپا، نەگە وسىنشا ءسوز قۋعىش، نەگە وسىنشا ارزان حالىق بولدىق؟

نۇرعالي ءنۇسىپجانوۆ ۇيلەنسە نە بوپتى؟ ءبىر ءانشى توقال السا نە بوپتى، ءبىر ءانشى تۇسكى اسىن دالادا جەسە نە بوپتى؟ الا بەرسىن، جەي بەرسىن.

ەرتەڭىمىزدى ويلايىقشى. ەلدىڭ بولماسا دا، بالا-شاعالارىڭىزدىڭ ەرتەڭىن تالقىلاڭىزدارشى.

ءانشى مەن ءبيشى كوسەم،
سيىر مەن تاۋىق تاقىرىپ بولعان زامان-اي...

اياتجان احمەتجانۇلىنىڭ facebook پاراقشاسىنان

Abai.kz

4 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616