ءماجىلىس سپيكەرى نۇرلان نىعماتۋليننىڭ توراعالىعىمەن ءماجىلىستىڭ جاڭا ماۋسىمداعى العاشقى بيۋرو وتىرىسى ءوتىپ، الداعى سارسەنبىدە تالقىلاناتىن سۇراقتار جوباسى قارالدى.

الدىمەن ن. نىعماتۋلين جاڭا V-ءشى سەسسيا جۇمىسى باستالعانىن، مەملەكەت باسشىسى قاسىم-جومارت كەمەلۇلى توقاەۆ ءوزىنىڭ العاشقى جولداۋىن پارلامەنتتە جاساعانىنا كوڭىل ءبولىپ، الداعى سەسسيانىڭ باسىم  باعىتتارىمەن قاتار ەلباسىنىڭ قازاقستاندى دامىتۋ باعىتى بويىنشا،   ەلدى ودان ءارى نىعايتۋدىڭ نەگىزگى ماقساتتارىن ايتىلعانىنا توقتالدى.

-سونىڭ ىشىندە، ەكونوميكانى جاڭعىرتۋعا، حالىقتىڭ الەۋمەتتىك جاعدايىن كۇشەيتۋگە ەرەكشە نازار اۋداردى. سوندىقتان، الداعى سەسسيادا ءبىز، پرەزيدەنت جولداۋىندا ايتىلعان ازاماتتاردىڭ بوستاندىعىن قورعاۋ، شاعىن جانە ورتا بيزنەستى قولداۋ، جەمقورلىقپەن كۇرەس، ەكولوگيالىق ماسەلەلەر باسقا دا سۇراقتاردى ساپالى زاڭدارمەن قامتاماسىز ەتەتىن بولامىز،-دەدى پالاتا سپيكەرى.

الداعى سارسەنبىدە دەپۋتاتتار نازارىنا ارمەنيامەن ازاماتتىق قورعانىس، توتەنشە جاعدايلاردىڭ الدىن الۋ جانە ولاردى جويۋ سالاسىنداعى ىنتىماقتاستىق تۋرالى ۇكىمەتارالىق كەلىسىمدى راتيفيكاتسيالاۋ تۋرالى زاڭ جوباسى ۇسىنىلادى.

سونىمەن قاتار، وسى كۇنى بىرقاتار ماڭىزدى قۇجاتتار جۇمىسقا الىنادى. ولاردىڭ قاتارىندا:

- «استانا» حالىقارالىق قارجى ورتالىعى تۋرالى» كونستيتۋتسيالىق زاڭعا تۇزەتۋلەر ەنگىزۋگە قاتىستى كونستيتۋتسيالىق زاڭ جوباسى،

- ۇلتتىق قوردان 2020-2022 جىلدارعا ارنالعان كەپىلدەندىرىلگەن ترانسفەرت تۋرالى،

- رەسپۋبليكالىق جانە وبلىستىق بيۋدجەتتەر، رەسپۋبليكالىق ماڭىزى بار قالالار، استانا بيۋدجەتتەرى اراسىنداعى 2020-2022 جىلدارعا ارنالعان جالپى سيپاتتاعى ترانسفەرتتەردىڭ كولەمى تۋرالى،

- 2020 – 2022 جىلدارعا ارنالعان رەسپۋبليكالىق بيۋدجەت تۋرالى زاڭ جوبالارى بار.

سونداي-اق:

- «پەداگوگ مارتەبەسى تۋرالى» جانە وعان ىلەسپە زاڭ جوباسى،

- ەڭبەك، تۋريستىك قىزمەت ماسەلەلەرىنە قاتىستى تۇزەتۋلەرگە ارنالعان زاڭ جوبالارى،

- قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل ماسەلەلەرى بويىنشا تۇزەتۋلەرگە قاتىستى قورىتىندى ازىرلەۋ مەرزىمى بەلگىلەنەتىن بولادى.

وسى كۇنى دەپۋتاتتار بىرقاتار راتيفيكاتسيالىق زاڭ جوبالارىن دا جۇمىسقا الماق. اتاپ ايتساق، ولار:

- برازيليامەن قىلمىستىق ىستەر بويىنشا ءوزارا قۇقىقتىق كومەك تۋرالى،

- موڭعوليامەن سوتتالعان ادامداردى بەرۋ تۋرالى شارتتاردى،

- وزبەكستانمەن زاڭسىز كوشى-قونعا قارسى كۇرەستەگى ىنتىماقتاستىق تۋرالى،

- تۇركيامەن اسكەري ىنتىماقتاستىق تۋرالى كەلىسىمدەردى راتيفيكاتسيالاۋ تۋرالى،

- شانحاي ىنتىماقتاستىق ۇيىمىنىڭ ەكسترەميزمگە قارسى ءىس-قيمىل جونىندەگى كونۆەنتسياسىن،

- 2014 جىلعى 29 مامىرداعى ەەو شارتقا قىرعىز رەسپۋبليكاسىنىڭ قوسىلۋىنا بايلانىستى قىرعىز رەسپۋبليكاسىنىڭ 2014 جىلعى 29 مامىرداعى ەۋرازيالىق ەكونوميكالىق وداق تۋرالى شارتتى،

- ەۋرازيالىق ەكونوميكالىق وداقتىڭ قۇقىعىنا كىرەتىن جەكەلەگەن حالىقارالىق شارتتاردى

- ەۋرازيالىق ەكونوميكالىق وداق ورگاندارىنىڭ اكتىلەرىن قولدانۋى جونىندەگى جاعدايلار مەن وتپەلى ەرەجەلەر تۋرالى 2015 جىلعى 8 مامىردا قول قويىلعان حاتتاماعا وزگەرىس ەنگىزۋ تۋرالى حاتتامانى راتيفيكاتسيالاۋ تۋرالى،

- رەسەيمەن «بايقوڭىر» كەشەنىن جالعا بەرۋ شارتىنا وزگەرىس ەنگىزۋ تۋرالى ۇكىمەتارالىق حاتتامانى جانە «بايقوڭىر» كەشەنىن گازبەن جابدىقتاۋ تۋرالى كەلىسىمدى،

- ارمەنيامەن  ازاماتتىق قورعانىس، توتەنشە جاعدايلاردىڭ الدىن الۋ جانە ولاردى جويۋ سالاسىنداعى ىنتىماقتاستىق تۋرالى كەلىسىمدى راتيفيكاتسيالاۋ زاڭ جوبالارى.

Abai.kz