ءاربىر قازاقستاندىق ازامات ادال ەڭبەگى مەن ءوز كۇشىنە سۇيەنىپ سالاۋاتتى ءومىر ءسۇرۋى كەرەك. تىنباي قۇلشىنىپ ەڭبەك ەتكەن ادام سول ەڭبەگىنىڭ جەمىسىن جەيتىن بولادى. "ەڭبەك ەتسەڭ ەرىنبەي، تويادى قارنىڭ تىلەبەي" دەگەن حالىق دانالىعى قاي زاماندا بولسا دا ءوز ماڭىزدىلىعىن جويعان ەمەس. 

قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان ءابىشۇلى نازارباەۆ ارقاشاندا ەل ازماتتارىن ەڭبەك ەتىپ، كاسىپكەرلىكپەن اينالىسىپ، تۇرمىس ورەسىن وسىرۋگە شاقىرىپ وتىرادى. ەلباسىنىڭ ايتۋىنشا، جاقسى كاسىپ ىستەپ، تابىستى ءومىر سۇرۋگە تالپىنۋى كەرەك.

ەل حالقىنىڭ كاسىپكەرلىكپەن اينالىسۋىن قولداۋ ماقساتىندا ءتۇرلى مەملەكەتتىك باعدارلامالار قابىلدانىپ، تولىققاندى اتقارىلىپ كەلەدى. سوزىمىزگە دالەل رەتىندە 2010 جىلى قابىلدانعان «بيزنەستىڭ جول كارتاسى – 2020» باعدارلاماسىن ايتۋعا بولادى. اتالعان باعدارلاما جەمىستى جۇمىس جاساپ جاتقاندىقتان، ەلباسى كەزەكتى جولداۋىندا بۇل باعدارلامانىڭ قولدانىلۋ مەرزىمىن 2025 جىلعا دەيىن ۇزارتۋدى تاپسىرعان بولاتىن.

قازاقستاندىقتار جاقسى بىلەتىندەي، ەلباسى ءار جىلى قازاقستان حالقىنا ارناپ جولداۋ جولدايتىن ەدى. تۇڭعىش پرەزيدەنت ءوزىنىڭ ءاربىر جولداۋىندا وتانداتارىمىزدىڭ تۇرمىس ورەسىن جوعارلاتىپ، سالۋاتتى ءومىر سۇرۋىنە دول سىلتەيدى. ەل ازاماتتارىنىڭ تابىسىن ارتتىرىپ، ءومىر ساپاسىن كوتەرۋ ءۇشىن جاسالۋى ءتيىس جۇمىستارعا باعىت سىلتەيدى.

ءدال وسىنداي اسا ماڭىزدى جولداۋلاردىڭ ءبىرىن ەلباسى وتكەن جىلىدىڭ بەسىنشى قازانىندا ەلگە جاريالادى. «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» دەپ اتالاتىن جولداۋدا تۇڭعىش پرەزيدەنت مەملەكەتتىك قىزمەتكەرلەرگە ماڭىزدى مىندەتتەردى جۇكتەي وتىرىپ، ەل ەكونوميكاسىن كوتەرۋگە كۇش سالۋعا ۇندەدى.

اتالعان جولداۋدىڭ 1-ءشى تاراۋى "حالىق تابىسىنىڭ ءوسۋى" دەپ اتالادى. وسى بولىمدە ەلباسى بارشا وتانداستارىمىزدى بارىنشا ەڭبەكقور بولۋعا شاقىرعان. "ءاربىر ازامات تىرىسىپ ەڭبەك ەتىپ، ۇكىمەت پەن حالىق بىرلەسە ارەكەت ەتكەندە عانا جالپىعا ورتاق ەڭبەك قوعامىن قۇرا الامىز" دەگەن ەدى.

تۇڭعىش پرەزيدەنت ەل ازاماتتارىنىڭ تۇرمىس ورەسى بۇگىنگىدەن دە جاقسارۋى ءۇشىن بيزنەس جاقسى دامۋ كەرەك ەكەنىن ايتادى. ول كىسىنىڭ ايتۋىنشا، شاعىن جانە ورتا بيزنەستى دامىتىپ، كاسىپكەرلەىكتى قولداۋ مەملەكەتتىك بۇرىننان بەرى باستى نازاردا ۇستاپ وتىرعان باعىتى. سول ءۇشىن ءاربىر ازامات وسى باعىتتا جۇمىس ىستەۋدەن تارتىنباۋى كەرەك.

"بيزنەستى وركەندەتۋدىڭ تۇرaقتى كوزدەرىن قaلىپتaستىرىپ، جەكە ينۆەستيتسيانى ىنتaلaندىرۋ جانە نaرىق ەركىندىگىن قولدaۋ كەرەك. ءدال وسى بيزنەس aرقىلى جaڭa جۇمىس ورىندaرى aشىلىپ، قaزaقستaندىقتaردىڭ بaسىم بولىگى تaبىسپەن قaمتaمaسىز ەتىلەدى" ، - دەگەن ەدى تۇڭعىش پرەزيدەنت وسى جولداۋىندا.

ەلباسىنىڭ وسى جولداۋداعى تاپسىرماسىن ورىنداۋ ءۇشىن ءار سالا قىزمەتكەرلەرى بەلسەنە جۇمىس ىستەۋدە. اتاپ ايتساق، جاقىندا شىمكەنت قالاسىنا ارنايى ساپارمەن كەلگەن قازاقستان رەسپۋبليكاسى پارلامەنتى ءماجىلىسىنىڭ دەپۋتاتى، «نۇر وتان» پارتياسى فراكتسياسىنىڭ مۇشەسى باقىتبەك سماعۇل وتاندىق بيزنەستى بارىنشا قولداۋ كەرەك ەكەنىن ايتتى. "ەل دامۋىنا ۇلەس قوسىپ وتىرعان وتاندىق بيزنەسكە قولداۋ كورسەتۋىمىز قاجەت", دەدى دەپۋتات.

دەپۋتات وسى ساپارىندا قالاداعى ەنەرگەتيكالىق سۋسىندار مەن شىرىندار شىعاراتىن «بولاشاق 7» جشس-ءنىڭ جۇمىسىمەن جاقىننان تانىستى. اتالعان ءوندىرىس زاۋىتى اتاقتى «تاسساي» يندۋستريالدى ايماعىندا ورنالاسقان. زاۋىتتىڭ وزىندىك جالپى قۇنى – ءبىر ميلليارد تەڭگە. بۇل كاسىپورىن «بيزنەستىڭ جول كارتاسى – 2020» مەملەكەتتىك باعدارلاماسى شەڭبەرىندە قولداۋ تاپقان. وسى باعدارلامانىڭ قولداۋىنا سۇيەنە وتىرىپ كاسىپورىن زاماناۋي قوندىرعىلارمەن جابدىقتالعان. باقىتبەك سماعۇل ءوندىرىس ورنىنىڭ جۇمىسىمەن ىشكەرلەي تانىسىپ، جۇمىسشىلارمەن جولىقتى.

"«بولاشاق 7» سەرىكتەستىگىندە جاسالاتىن ءونىم شيكىزاتىنىڭ 80 پايىزى ءوز ەلىمىزدەن. زاۋىت سوڭعى تەحنولوگيامەن جابدىقتالعان، ءونىمىمىز ساپالى بولعاندىقتار سۇرانىس بار. اعىمداعى جىلدىڭ اقپان ايىنان باستاپ ىسكە قوسىلعان زاۋىتتا 80-نەن استام جۇمىسشىنى تۇراقتى جۇمىسپەن قامتىپ وتىرمىز. جالاقى 140-160 مىڭ تەڭگە كولەمىندە", – دەدى كەزدەسۋ بارىسىندا كاسىپورىن ديرەكتورى ەرلان وماروۆ.

زاۋىتتا وندىرلىگەن جەرگىلىكتى سۋسىنداردىڭ ءدامىن تاتىپ كورگەن ءماجىلىس دەپۋتاتى، بۇل ءونىمنىڭ ساپاسىنا جوعارى باعا بەرىپ، تاۋار بەلگىسىن دە جەرىنە جەتكىزە ماقتادى.

"تەمىر قۇتىداعى ءونىم شىعاراتىن ەلىمىزدەگى بىردەن-ءبىر ءوندىرىس وسىنداي قارقىنمەن جۇمىس ىستەپ جاتقانى قۋانتادى. زاۋىت باسقا دا وتە ساپالى سۋسىندارمەن ەلىمىزدى قامتاماسىز ەتە وتىرىپ، ونى شەتەلگە دە ەكسپورتتايدى. ءبىزدىڭ ونىمدەرگە شەتەلدەردەن، ونىڭ ىشىندە كورشىلەس وزبەكستاننان سۇرانىس بار. وكىنىشكە قاراي، ءبىزدىڭ ونىمدەرىمىزگە ولاردىڭ سالىعى 4 ەسە قىمبات. ال، ەلىمىزگە كىرىپ جاتقان شەتەلدىكتەردىڭ ونىمدەرىنىڭ سالىعى از. ونداي جاعدايدا پارلامەنتتە «Nur Otan» پارتياcىمەن بىرگە سالىق ماسەلەسىن شەشەتىن بولامىز. ەلىمىزدىڭ دامۋىنا ۇلەس قوسىپ وتىرعان كاسىپورىندارعا جاعداي جاساۋ – ءبىزدىڭ مىندەتتەرىمىزدىڭ ءبىرى", – دەدى باقتبەك سماعۇل.

«بيزنەستىڭ جول كارتاسى – 2020» مەملەكەتتىك باعدارلاماسى جايلى ءبىز جوعارىدا دا ايتقان ەدىك. وسى باعدارلامانىڭ ارقاسىندا ەلىمىزدە تالاي ازامات جەكە كاسىبىن دوڭگەلەتىپ وتىر. ەلباسى ءوز جولداۋىندا 2010 جىلى قابىلدانعان «بيزنەستىڭ جول كارتاسى – 2020» باعدارلاماسىنىڭ قولدانىلۋ مەرزىمىن 2025 جىلعا دەيىن ۇزارتۋدى تاپسىرعان بولاتىن. ءارى اتالعان باعدارلامانى جۇزەگە اسىرۋ ءۇشىن جىل سايىن بيۋدجەتتەن قوسىمشا وتىز ميلليارد تەڭگە ءبولۋدى قاراستىرۋ كەرەك ەكەنىن ايتقان ەدى. وسىلاي ىستەگەندە ءۇش جىل ىشىندە قوسىمشا كەمىندە 22 مىڭ جاڭا جۇمىس ورنىن اشۋعا، 224 ميلليارد تەڭگە سالىق تۇسىرۋگە جانە ءۇش تريلليون تەڭگەنىڭ ءونىمىن وندىرۋگە مۇمكىندىك بەرەتىن ايتقان ەدى ەلباسى.

Abai.kz