استانادا اقوردا بار. 15 جىلدان بەرى پرەزيدەنتتىڭ پايدالانۋىندا. باس  قالاداعى باس عيمارات. ونىڭ وزگەلەردەن ەرەكشەلىگى تۋرالى دا، ونىڭ ماڭىزى مەن مارتەبەسى تۋرالى دا تالاي رەت جازىلدى. قايتالاي بەرگەننەن اقوردا «التىن» ورداعا اينالىپ كەتپەيدى. ايتپاعىمىز ول ەمەس.

جاڭاعى اقوردا – ول اۋەلى قازاقستان پرەزيدەنتىنىڭ رەزيدەنتسياسى.  ياعني، قازاقستان پرەزيدەنتى بۇل جەردە وزگە دە ەلدەردىڭ باسشىلارىمەن، ۇكىمەت باسشىلارىمەن، شەتەلدىك دەلەگاتسيالارمەن، مينيسترلىكتەر مەن ۆەدومستۆولاردىڭ باسشىلارىمەن، پارتيالاردىڭ، قوزعالىستار مەن ەلىمىزدىڭ شىعارماشىلىق ينتەلليگەنتسياسى وكىلدەرىمەن، قالا جانە وبلىس اكىمدەرىمەن  ت.ب. ءتۇرلى دەڭگەيدەگى كەزدەسۋلەردى وتكىزەتىن ورىن. قازىر وزگەرىپ كەتپەسە، ايتەۋىر بۇرىنعى پرەزيدەنتتىڭ تۇسىندا سولاي بولاتىن.

ال قازىر پرەزيدەنت باسقا. قاسىم-جومارت توقاەۆ تاۋەلسىز قازاقستاننىڭ ەكىنشى سايلانعان پرەزيدەنتى. ول لەگيتيمدى پرەزيدەنت. بيىل 9 ماۋسىمدا وتكەن كەزەكتى رەتكى كەزەكتەن تىس پرەزيدەنت سايلاۋىندا 70,96 پايىز داۋىس جينادى. ءسويتىپ، رەسمي تۇردە پرەزيدەنت اتاندى.  دەمەك، اقوردانىڭ ەندىگى قوجايىنى توقاەۆ بولۋى كەرەك-ءتى.

پرەزيدەنتتىڭ رەسمي سايتى سانالاتىن «اقوردا» سايتىندا جاريالانعان سۋرەتتەردەن قاسىم-جومارت توقاەۆتىڭ رەسمي قابىلداعان لاۋازىمدى تۇلعالارىنىڭ ءبىرسىپىراسىن كوردىك. كوردىك، قوي. بىراق، ول كىسىنىڭ كابينەتى وزگەرگەن بە، الدە ىشكى ينتەرەرى اۋىسقان با، ايتەۋىر بۇرىنعى پرەزيدەنت نازارباەۆ قابىلداۋ وتكىزىپ جۇرگەن كابينەتكە ۇقساتا المادىق.

بىلەمىز، جەتى قاباتتى اقوردا رەزيدەنتسياسىندا بولمە كوپ. سول كوپ بولمەنىڭ ءبىرى بولار دەپ توپشىلادىق.

پسيحولوگيادا زەرتتەۋ جۇرگىزۋدىڭ «ەرىكسىز باقىلاۋ» (نەوسوزناننوە نابليۋدەنيە) دەيتىن فورماسى بولادى. بۇل جۋرناليستيكاعا دا ءتان دۇنيە.

ايتپاقشى، ەكس-پرەزيدەنتتىڭ ەرەكشە ستاتۋسى بار. ەلىشىلىك ءھام شەتەلدىك ديپلوماتتاردى قابىلداۋ قۇقىعى ەلباسىنا دا بەرىلگەن. ەلدە پرەزيدەنت اۋىسقالى بەرى نۇرسۇلتان نازارباەۆتا ءوز لاۋازىمىنا ساي ءبىرلى-جارىم كەزدەسۋلەر مەن قابىلداۋلار وتكىزگەن.

ءبىز بۇگىن پرەزيدەنت قاسىم-جومارت توقاەۆ پەن ەكس-پرەزيدەنت نۇرسۇلتان نازارباەۆتىڭ قابىلداۋلارىنا فوتوشولۋ جاساپ كورگەندى ءجون سانادىق.

نۇرسۇلتان نازارباەۆ قازاقستان پرەزيدەنتى ستاتۋسىندا:

(2017 جىل. 15 قاراشا. سول كەزدەگى پرەمەر-مينيستر ب.ساعىنتاەۆ پرەزيدەنتتىڭ قابىلداۋىندا وتىر).

(2017 جىل. 2 قازان. سول كەزدەگى سىرتقى ىستەر ءمينيسترى ق.ءابدىراحمانوۆ پرەزيدەنتتىڭ قابىلداۋىندا وتىر).

(2018 جىل. 9 قازان. سول كەزدەگى ۆيتسە-پرەمەر ا.جۇماعاليەۆ پرەزيدەنتتىڭ قابىلداۋىندا وتىر).

نۇرسۇلتان نازارباەۆ قاۋىپسىزدىك كەڭەسىنىڭ توراعاسى ستاتۋسىندا:

(2019 جىل. 20 مامىر. «نازارباەۆ ۋنيۆەرسيتەتى» مەكەمەسىنىڭ پرەزيدەنتى شيگەو كاتسۋ قابىلداۋدا وتىر).

(2019 جىل. 26 ماۋسىم. نۇر-سۇلتان قالاسىنىڭ اكىمى ا. كولگىنوۆ قابىلداۋدا وتىر).

(2019 جىل. 29 شىلدە. «Nur Otan» پارتياسى توراعاسىنىڭ ءبىرىنشى ورىنباسارى ب.بايبەك قابىلداۋدا وتىر).

قاسىم-جومارت توقاەۆتىڭ پرەزيدەنت ستاتۋسىنداعى قابىلداۋلارى:

(2019 جىل. 19 تامىز. سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى ا.شپەكباەۆ پرەزيدەنتتىڭ قابىلداۋىندا وتىر).

(2019 جىل. 21 تامىز. تۇركىستان وبلىسى اكىمى ءو.شوكەەۆ پرەزيدەنتتىڭ قابىلداۋىندا وتىر).

(2019 جىل. 28 تامىز. مەملەكەتتىك قىزمەت ىستەرى اگەنتتىگىنىڭ توراعاسى ا.جايىلعانوۆا پرەزيدەنتتىڭ قابىلداۋىندا وتىر).

(2019 جىل. 2 قىركۇيەك. اقمولا وبلىسىنىڭ اكىمى ە.مارجىقپاەۆ پرەزيدەنتتىڭ قابىلداۋىندا وتىر).

سونىمەن، توقاەۆ قابىلداۋدى قاي كابينەتتە وتكىزەدى؟ ەكس-پرەزيدەنت شە؟ جۇمباق!

نۇرزات توعجان

Abai.kz