جۇما, 29 ناۋرىز 2024
قاۋىپ ەتكەننەن ايتامىن 4375 10 پىكىر 16 قىركۇيەك, 2019 ساعات 10:46

«ەكپەگە راديكالدار عانا قارسى» دەپ جالعان ەسەپ بەرۋدى دوعارىڭىزدار!

قۇرمەتتى ەلجان ءبىرتانوۆ!

ءسىزدىڭ قاراماعىڭىزداعى تاۋارلار مەن قىزمەتتەر قاۋىپسىزدىگى جانە ساپاسىن باقىلاۋ كوميتەتىنىڭ توراعاسى ليۋدميلا بيۋرابەكوۆانىڭ كۇنى كەشە باق-تا جاريالانعان پىكىرى قازاقستان رەسپۋبليكاسى ازاماتتارىنىڭ قۇقىعىنا قول سۇعۋشىلىق، ءارى شەنەۋنىك ەتيكاسىنا قايشى كەلەدى دەپ ەسەپتەيمىن.

كوميتەت توراعاسى: «ەگەر ەكپە الماعان بالالار كەيىن قانداي دا ءبىر دەرتكە شالدىقسا ونىڭ ەمىنە قاجەتتى شىعىنداردى اتا-انالاردىڭ وزدەرىنە جۇكتەيمىز دەگەن ۇسىنىستى زاڭ جۇزىندە بەكىتۋگە دايىنداپ جاتىرمىز»، - دەدى.

ەندەشە، ەكپەدەن كەيىن بالا قانداي دا ءبىر دەرتكە دۋشار بولاتىن بولسا، ونىڭ اقىسىن تولىقتاي مەملەكەت ءوز موينىنا الادى دەگەن جاۋاپكەرشىلىكتى دە زاڭمەن بەكىتۋدى ۇسىنامىن. سىزدەر وسىعان دايىنسىزدار ما؟

سەبەبى سوڭعى 10 جىلدا ءبىزدىڭ ەلدە وسى ەكپە سەبەپتى مۇگەدەك بولىپ جاتقان بالالاردىڭ سانى كۇرت ارتتى. ونىڭ بارلىعى ساپاسىز ەكپەدەن. ءبىلىمسىز مامانداردىڭ سالاقتىعىنان.

قازىر الەۋمەتتىك جەلىدە جۇرتتان جىلۋ جيناعان اتا-انالاردىڭ سانى كوبەيدى. سەبەبى مەملەكەتتەن ەشقانداي كومەك جوق. دۇنيەگە ساپ-ساۋ كەلىپ، كەيىن ەكپە سەبەپتى سال اۋرۋىنا شالدىققان ءبىر بالانىڭ ەمىنە ەكى ەمەس، ءۇش ەمەس، ون ميلليون تەڭگەگە جۋىق قاراجات قاجەت. ونىڭ وزىندە بالانىڭ اياققا تۇرىپ كەتۋىنە شەتەل دارىگەرلەرى ۋادە بەرمەيدى. امالسىز كرەديت الىپ، قارىزعا كىرىپ، ءار دارىگەردىڭ ەسىگىن قاعىپ نە ىستەرىن بىلمەگەن اتا-انالار ساندالىپ ءجۇر.

ەكپەنىڭ ارتىندا ميلليارتداعان قارجىنىڭ تۇرعانى ەشكىمگە جاسىرىن ەمەس. ەندەشە جوعارى جاققا «ەكپەگە راديكالدار عانا قارسى» دەپ جالعان ەسەپ بەرۋدى دوعاراتىن ۋاقىت جەتتى. ماسەلەگە تۋرا قاراڭىزدار. پروبلەمانى سىزدەر وتە جاقسى بىلەسىزدەر. قوعام دا ءبىلىپ وتىر. تىعىلىسپاق ويناۋدىڭ نە قاجەتى بار؟!

سوندىقتان، ليۋدميلا سەكىلدى شەنەۋنىكتەر ايۋداي اقىرىپ الەۋمەتتىڭ اشۋىنا تيمەي، ءتىلىن تارتىپ سويلەگەنى ءجون! مەن اتا-انا رەتىندە بالالارعا ەكپەنى ءماجبۇرلى تۇردە ەگۋگە قارسىمىن. وركەنيەتتى ەلدەردىڭ بارلىعىندا بۇل پروتسەسستە تاڭداۋ قۇقى بەرىلگەن. كۇندە ءبىر زاڭ ويلاپ تابۋدى قويۋ كەرەك. ءتاتتى عۇمىرىنان ايىرىلعان بالالاردىڭ، ونى قىزىقتاۋدان قالعان اتا-انالاردىڭ كوز جاسىنان قورقىڭىزدار!

ازامات بيتان

Abai.kz

10 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3602