سارسەنبى, 16 قازان 2019
بيلىك 1835 1 پىكىر 18 قىركۇيەك, 2019 ساعات 19:38

مارات ءتاجين قىزمەتىنەن بوساتىلدى

مارات ءتاجين قىزمەتىنەن بوساتىلدى. بۇل تۋرالى اقوردا حابارلادى.

"مەملەكەت باسشىسىنىڭ جارلىعىمەن مارات مۇحانبەتقازىۇلى ءتاجين باسقا جۇمىسقا اۋىسۋىنا بايلانىستى مەملەكەتتىك حاتشى قىزمەتىنەن بوساتىلدى", - دەلىنگەن حابارلامادا.

ەسكە سالساق، مارات ءتاجين 24 ناۋرىزدا مەملەكەتتىك حاتشى بولىپ باقىتجان ساعىنتاەۆتىڭ ورنىنا تاعايىندالعان.

مارات مۇحانبەتقازىۇلى ءتاجين 1960 جىلى 8 ساۋىردە اقتوبە قالاسىندا دۇنيەگە كەلگەن.

1994-1995 جىلدارى قر پرەزيدەنتىنىڭ مەملەكەتتىك كەڭەسشىسى بولعان.

1999-2001 جىلدارى پرەزيدەنتتىڭ ۇلتتىق قاۋىپسىزدىك ماسەلەلەرى جونىندەگى كومەكشىسى - قر قاۋىپسىزدىك كەڭەسىنىڭ حاتشىسى بولعان.

2001 جىلى ۇلتتىق قاۋىپسىزدىك كوميتەتىن باسقاردى. سىرتقى ىستەر ءمينيسترى (2007-2009) جانە قازاقستاننىڭ رەسەيدەگى ەلشىسى (2014-2017) بولعان.

ايتا كەتۋ كەرەك، مارات ءتاجين مۇنىڭ الدىندا مەملەكەتتىك حاتشى قىزمەتىندە بولعان (2013 جىلدىڭ 16 قاڭتارىنان باستاپ 2014 جىلدىڭ 21 قاڭتارىنا دەيىن).

Abai.kz

1 پىكىر