بۇل تۋرالى رەسەيلىك باق ءپۋتيننىڭ ءباسپاسوز حاتشىسى دميتري پەسكوۆقا سىلتەمە جاساپ حابارلادى. پرەزيدەنتتەر جەكە كەزدەسۋ وتكىزەدى. بۇل اقپاراتتى جەەنبەكوۆ ءباسپاسوز قىزمەتى راستادى.
16 قىركۇيەكتە رەسەيدە "تسەنتر-2019" اسكەري وقۋ-جاتتىعۋلارى باستالدى. وعان سەگىز ەلدەن شامامەن 128 مىڭ جاۋىنگەر قاتىسادى. ولاردىڭ اراسىندا قىرعىز ساربازدارى دا بار.
قىرعىزستان پرەزيدەنتى سوورونباي جەەنبەكوۆ پەن رەسەي باسشىسى ۆلاديمير پۋتين سوڭعى مارتە بيىل ماۋسىم ايىندا كەزدەسكەن. سول كەزدە جەەنبەكوۆ شۆەيتسارياعا ساپارىنان قايتىپ كەلە جاتىپ، از ۋاقىت ماسكەۋدە ايالداعان.
Abai.kz
