ەكس-پرەزيدەنتتىڭ جيەنى ايسۇلتان نازارباەۆ ۇلىبريتانيا استاناسىندا سوت شەشىمىن كۇتۋدە. بۇل تۋرالى «exclusive.kz» سايتى جازادى.

ونى ماۋسىم ايىندا لوندون پوليتسياسى بۇزاقىلىق جاسادى دەپ ايىپتاعان بولاتىن.

بريتان سايتىنىڭ حابارلاۋىنشا، 5 ماۋسىمدا لوندون ورتالىعىنداعى كوۆەنت-گاردەندەگى بەيتانىس پاتەردە ۇستالعان 29 جاستاعى ايسۇلتان نازارباەۆ پوليتسيا وفيتسەرى روسس سامبرۋكتىڭ قولىن تىستەپ العان. سازارك اۋدانىنىڭ كورولدىك سوتى وفيتسەردىڭ قولىندا قاندى ءىز قالدى، دەپ شاعىمدانعان.

پروكۋرور گرەگور ماككينليدىڭ ايتۋىنشا، نازارباەۆ لوندوننىڭ تاۆيستوك كوشەسىندەگى پاتەردە ۇستالعان. «پوليتسيامەن توبەلەس بولدى، ءبىر پوليتسيا قىزمەتكەرى اۋىر جاراقات الدى» دەدى ول. ماككينليدىڭ ايتۋىنشا، پوليتسيا ونى پاتەر توناۋشى دەپ ويلاپ قالعان.

پروكۋروردىڭ ايتۋىنشا، قازاقستاننىڭ رەسمي قۇرىلىمدارى لوندون پوليتسياسىنا «ا. نازارباەۆتى جەر اۋدارۋ تۋرالى» ءوتىنىش جاساعان.

ايسۇلتان نازارباەۆتىڭ ادۆوكاتى اليسداير ۋيليامسوننىڭ سوزىنە قاراعاندا، قازاقستان ۇكىمەتى تەرگەۋمەن بىرگە جۇمىس ىستەيدى جانە بريتاندىق بيلىك نازارباەۆتىڭ پاسپورتىن تارتىپ العاننان كەيىن وعان جاڭاسىن بەرمەيدى.

«بۇل تۇسىنىكسىز جاعداي. پوليتسيا كەلگەندە، سوتتالۋشى پاتەردە بولدى. پاتەردەن ەشتەڭە ۇرلانبادى، بىراق  پاتەردە شامامەن بەس مىڭ فۋنت كولەمىندەگى از شىعىن بولدى،- دەيدى ۋيليامسون.

بۇل - ەسىرتكىگە بايلانىستى شىعىن بولۋى مۇمكىن دەيدى سوت وكىلدەرى.

«مەنىڭ ويىمشا، بۇل جاعداي ەسىرتكىگە بايلانىستى دەپ ايتۋعا تولىق نەگىز بار. ايىپتالۋشىنىڭ جاعدايى وتە اۋىر بولدى. ونىڭ ا ساناتىنداعى ەسىرتكىنى قولدانۋىنا بايلانىستى ايىپتالۋشىلاردا ۇلكەن پروبلەمالار تۋىندايدى»، - دەپتى سۋديا.

ال، لوندوندىق سۋديا مارتين بەددوي 29 جاستاعى ايسۇلتان نازارباەۆتى كەپىلدىككە بوساتۋدان باس تارتىپ، ونى پريوري اۋرۋحاناسىنا ناشاقورلىقپەن ەمدەۋ ءۇشىن ورنالاستىرۋعا شەشىم قابىلدادى.

باسىلىمنىڭ حابارلاۋىنشا، ايسۇلتان نازارباەۆ شابۋىلعا كىنالى ەكەنىن مويىندادى. جانە ول ادام دەنساۋلىعىنا زاردابىن تيگىزىپ، باسقا ادامداردىڭ مۇلكىنە زيان كەلتىردى.

ال، ونىڭ كەلەسى سوت وتىرىسىنا 18 قازان كۇنى بولادى

ايتا كەتەيىك، 4 شىلدەدە لوندوننىڭ سازارك كورولدىك سوتىندا 28 جاستاعى ايسۇلتان نازارباەۆتىڭ ىسىنە قاتىستى الدىن الا تىڭداۋ بولاتىنى بەلگىلى بولدى. ول ەسىرتكى قولدانىپ،سونىڭ اسەرىنەن پوليتسيانى ۇرعانى ءۇشىن ايىپتالدى.

قر سەنات ءتورايىمى داريعا نازارباەۆانىڭ ۇلى سوت زالىندا ارنايى بولمەدە كۇزەتشىمەن بىرگە وتىردى. ول سوت بارىسىندا ەشقانداي پىكىر بىلدىرمەگەن.

Abai.kz