وسى اپتادا ت.جۇرگەنوۆ اتىنداعى قازۇوا-دا كسرو حالىق ءارتيسى، كسرو جانە رف مەملەكەتتىك سىيلىقتارىنىڭ يەگەرى، ا.چەحوۆ اتىنداعى مكت-نىڭ كوركەمدىك جەتەكشىسى ولەگ تاباكوۆ شەبەرلىك سىنىپتارىن وتكىزدى.
ورىس ونەرىنىڭ مايتالمانى و.تاباكوۆ بۇگىنگى تاڭدا الىس-جاقىن شەتەلدەردە اكتەر دايىنداپ جۇرگەن مايتالمان. ونىڭ 1990 جىلى بوستون ۋنيۆەرسيتەتىندە (اقش) “Russian - American Performing Arts Center” اتتى ورتالىقتىڭ نەگىزىن قالاعانى ەسىمىزدە. جاسى بىرازعا كەلسە دە تاباكوۆ مىرزا كينوفيلمدەرگە ءتۇسۋىن دە جالعاستىرىپ ءجۇر. ءوزىنىڭ «ولەگ تاباكوۆ جەتەكشىلىگىندەگى تەاتر-ستۋدياسىنداعى» سپەكتاكلدەردە دە ونەر كورسەتىپ كەلەدى. اكتەرلىگىن رەجيسسۋرامەن ۇشتاستىرىپ، ءارى پروديۋسەرلىكپەن دە اينالىسىپ جۇرگەن ول  «اكتەرلىك وبراز جاساۋدىڭ نەگىزدەرى»، «وبرازبەن جۇمىس: كەزەڭدەرى مەن نەگىزگى پرينتسيپتەرى»، «بۇگىنگى ورىس تەاترىنىڭ دامۋ ەرەكشەلىكتەرى: رەپەرتۋار ماسەلەسى، رەجيسسۋراداعى جاڭا ەسىمدەر»، «اكتەرلىك ونەر: ۇرپاقتار ساباقتاستىعى»، «بۇگىنگى تاڭداعى چەحوۆ اتىنداعى مكت»، «رەسەيدەگى بۇگىنگى تەاترلىق ءبىلىم» تاقىرىپتارىنداعى شەبەرلىك سىنىپتارىن جوعارعى دەڭگەيدە وتكىزدى.
گاسترولدىك ساپارلار سايابىرسىپ، شىعارماشىلىق بايلانىستار السىرەگەن ساتتە وسىنداي شەبەرلەرمەن كوزبە-كوز تىلدەسىپ، پىكىر الىسۋ ستۋدەنتتەر ءۇشىن، ارينە، جاقسى باستاما. ەكى كۇنگە سوزىلعان تاباكوۆ دارىستەرى اكادەميادا ءبىلىم الىپ جاتقان بولاشاق تەاتر جانە كينو ماماندارى ءۇشىن ءبىراز ساباق بولعانى انىق.

وسى اپتادا ت.جۇرگەنوۆ اتىنداعى قازۇوا-دا كسرو حالىق ءارتيسى، كسرو جانە رف مەملەكەتتىك سىيلىقتارىنىڭ يەگەرى، ا.چەحوۆ اتىنداعى مكت-نىڭ كوركەمدىك جەتەكشىسى ولەگ تاباكوۆ شەبەرلىك سىنىپتارىن وتكىزدى.
ورىس ونەرىنىڭ مايتالمانى و.تاباكوۆ بۇگىنگى تاڭدا الىس-جاقىن شەتەلدەردە اكتەر دايىنداپ جۇرگەن مايتالمان. ونىڭ 1990 جىلى بوستون ۋنيۆەرسيتەتىندە (اقش) “Russian - American Performing Arts Center” اتتى ورتالىقتىڭ نەگىزىن قالاعانى ەسىمىزدە. جاسى بىرازعا كەلسە دە تاباكوۆ مىرزا كينوفيلمدەرگە ءتۇسۋىن دە جالعاستىرىپ ءجۇر. ءوزىنىڭ «ولەگ تاباكوۆ جەتەكشىلىگىندەگى تەاتر-ستۋدياسىنداعى» سپەكتاكلدەردە دە ونەر كورسەتىپ كەلەدى. اكتەرلىگىن رەجيسسۋرامەن ۇشتاستىرىپ، ءارى پروديۋسەرلىكپەن دە اينالىسىپ جۇرگەن ول  «اكتەرلىك وبراز جاساۋدىڭ نەگىزدەرى»، «وبرازبەن جۇمىس: كەزەڭدەرى مەن نەگىزگى پرينتسيپتەرى»، «بۇگىنگى ورىس تەاترىنىڭ دامۋ ەرەكشەلىكتەرى: رەپەرتۋار ماسەلەسى، رەجيسسۋراداعى جاڭا ەسىمدەر»، «اكتەرلىك ونەر: ۇرپاقتار ساباقتاستىعى»، «بۇگىنگى تاڭداعى چەحوۆ اتىنداعى مكت»، «رەسەيدەگى بۇگىنگى تەاترلىق ءبىلىم» تاقىرىپتارىنداعى شەبەرلىك سىنىپتارىن جوعارعى دەڭگەيدە وتكىزدى.
گاسترولدىك ساپارلار سايابىرسىپ، شىعارماشىلىق بايلانىستار السىرەگەن ساتتە وسىنداي شەبەرلەرمەن كوزبە-كوز تىلدەسىپ، پىكىر الىسۋ ستۋدەنتتەر ءۇشىن، ارينە، جاقسى باستاما. ەكى كۇنگە سوزىلعان تاباكوۆ دارىستەرى اكادەميادا ءبىلىم الىپ جاتقان بولاشاق تەاتر جانە كينو ماماندارى ءۇشىن ءبىراز ساباق بولعانى انىق.
ماشكوۆ، بەزرۋكوۆ، ميرونوۆ سىندى بىرقاتار جۇلدىزدى اكتەرلەردى تاربيەلەگەن ۇستازعا ستۋدەنتتەر «ءسىز اكتەرلەردى قالاي دايارلايسىز» دەگەن ساۋال قويدى.  «مەن ەڭ ءبىرىنشى ستۋدەنتتىڭ تالانتىن باعالايمىن، - دەپ جاۋاپ بەردى و.تاباكوۆ. -  تالانتتى ستۋدەنتتەن ناعىز اكتەر شىعادى. مەن تالاپكەرلەردى ەرىنبەي-جالىقپاي ۇزاق تاڭدايمىن. ءبىر جىلدارى 3000 تالاپكەردىڭ ىشىنەن 49 ادامدى ىرىكتەپ العان كەزىم بولعان. وسىلاردىڭ تەك سەگىزى عانا ديپلوم الىپ شىقتى».
وسى سوزدەردەن-اق اكتەرلىك ماماندىققا كەز-كەلگەن ادامنىڭ ءتىسى باتپايتىنىن اڭعارۋعا بولادى. سونىمەن قوسا، تاڭداپ العان شاكىرتتەرىنىڭ جان-جاقتى دايارلانىپ، ءوز ونەرىن ۇشتاۋىنا تىكەلەي پەداگوگتىڭ ۇلكەن ىقپال جاسايتىنىنا دا انىق بولدى. سونداي-اق قازىرگى تەاتردىڭ مىندەتى مەن ماقساتىنىڭ وزگەرگەنىن ايتقان و.تاباكوۆ «تەاتر ونەرى ۋاقىت تالابىنا ساي، كورەرمەندەردىڭ ەستەتيكالىق تالاپ-تىلەكتەرىنە جاۋاپ بەرەتىندەي رەپەرتۋار قۇرۋعا باسا نازار اۋدارۋ كەرەك» دەدى.

ن.ەسكەندىروۆ،
قازۇوا-نىڭ ماگيسترانتى