ەلىمىزدە تىپتەن ءورشي تۇسكەن تىلدىك فوكتوردىڭ نەگىزىندە ءبىرتۇتاس الاش بالاسى قاققا جارىلىپ سپورتتىق ءبولىنۋدى باستان كەشە باستادى. قازىر وليمپيادالىق ەمەس سپورت تۇرلەرىنىڭ كەيبىرى قازاقتىڭ ەمەس، قازاق تىلىنە پىسقىرىپ قارامايتىن قازاقستاندىقتاردىڭ سپورت تۇرىنە اينالۋ تەندەتسياسى ورىن الۋ ۇستىندە.

سونىڭ ءبىرى فەدەرتسيا رەتىندە جەكە قۇرىلىپ، الماتىلىق «فەنيكسى»، «تيتانى»، «وردا»، ەلوردالىق  «ۆولكي»، «كەپيتالز» جانە قىرعىز ەلىنىڭ باس قالاسىنىڭ «بارس» كوماندالارىنىڭ قاتىسۋىمەن 10 جىلعا جۋىق ەل چەمپيوناتىن وتكىپ كەلە جاتقان ءۇر جاڭا سپورت ءتۇرى امەريكالىق فۋتبول.

جاقىندا قازاق قۇراماسىنىڭ امەريكالىق فۋتبول بويىنشا باس جاتتىقىرۋشىسى پاۆەل ءفيليپپوۆتىڭ باستاۋىمە قۇرامى الماتىلىق «فەنيكسى»، «تيتانى»، «وردا»، ەلوردالىق  «ۆولكي»، جانە قىرعىزدىڭ «بارس» كوماندالارىنىڭ 17 ويىنشىسىنان تۇراتىن ەل قۇراماسى گۇرجى ەلىندەگى جولداستىق كەزدەسۋدە 22:12 جەڭىپ قايتتى. قارىماتا كەزدەسۋ الماتى قالاسىندا وتەدى.

وسى ويىندا گۇرجىلەر ويىن ۇستىندە توبەلەس شىعارعانىن ورىس ءتىلدى قازاق باسىلىمدارى مەن سياتتارى جارىسا جازدى. ال، قازاقستاندىق سپورت ءتۇرىن جازۋدى قازاق ءباسپاسوزى كەرەك تە ەتپەدى. وسىدان-اق، ءبىر ەلدىڭ سپورتشىلارى مەن تۇرعىندارىنىڭ جىككە بولىنۋشىلىگى اڭعارىلادى

وسىنداي جاڭا ويىن تۇرلەرىنىڭ قازاق اراسىندا قانات جايماۋى ءىرى قالالارداعى بيزنەس ەليتامىزدىڭ ورىس تىلدىلىگىنەن دەپ بىلگەنىمىز ءجون. ال، ارىس، اياگوز، جاڭا وزەن سىندى شاعىن قازاقى قالالاردىڭ جاسوسپىرىمدەرى مەن جاستارىنىڭ قازاققا تاڭسىق سپورت تۇرلەرىمەن اينالىسۋعا قاشاندا قارجى جەتپەي جاتادى. 

ۇلتىمىزدىڭ 60 پايىزى قالالىق بولا باستاعان ۋرباندانۋ داۋىرىندە، قازاق سپورتىن اۋىلدا دامىتامىن دەۋشىلىك اپەندەلىك. ويتكەنى، قازاق سپورتىنىڭ دامۋى اۋىلدا ەمەس، ءىرى قالالارداعى قازاق ءتىلدى مولتەك اۋداندار مەن بىرىڭعاي جەرگىلىكتى ۇلت وكىلدەرى تۇراتىن  قازاق ءتىلدى شاعىن قالالاردان باستاۋ الۋ كەرەك. وسىنى قازاقى وڭىرلەردەن سايلانعان دەپۋتاتتار ءار كەز ماسەلە قىلىپ كوتەرسە، ەلىمىز كەيبىر سپورت تۇرلەرىنەن الەمدىك قاعاناتقا (دەرجاۆاعا) اينالا الادى.

ءابىل-سەرىك الىاكبار

Abai.kz