جۇما, 29 ناۋرىز 2024
46 - ءسوز 5208 3 پىكىر 2 قازان, 2019 ساعات 13:25

تۇركىستان وبلىسىنىڭ پروكۋرورى ارىس حالقىن كىنالاپ وتىر

باس پروكۋرور ع.نۇرداۋلەتوۆتىڭ نازارىنا!

بۇگىن تۇركىستان وبلىسى پروكۋراتۋراسىنىڭ باسشىسى نۇرعالىم ءابدىروۆتىڭ قابىلداۋىندا بولدىم! ارىس قالاسى تۇرعىندارىنىڭ جان ايقايىن جەتكىزۋگە كىرگەنىم ءۇشىن وكىنەمىن! سەبەبى پروكۋروردىڭ ءوزى حالىقتى كىنالاپ وتىر. "ۇيلەردى وزدەرى بۇزىپ تاستاعان"- دەگەن سياقتى جاۋاپ الدىم.

ارىس حالقىنىڭ قۇقىعى تاپتالىپ، دەفەكتنىي اكتىلەرى بەرىلمەي جاتىر دەگەن ەدىم. ونى اكىمدىك شەشەدى، ءبىز ارالاسامايمىز دەگەن جاۋاپ الدىم!
مەن ءابدىروۆ مىرزادان وبلىستىق پروكۋراتۋرادان ءبىر قىزمەتكەر بەرىڭىز، وبلىستان كوميسسيا قۇرىپ بارايىق دەپ ۇسىنىس ايتقان بولاتىنمىن.
جەرگىلىكتى اتقارۋشى بيلىككە سەنىمسىزدىكپەن قاراعان سوڭ، باس پروكۋرورعا جازىلعانىمدى دا ەسكەرتتىم.
ۇيگە كەلسەم ارىس قالاسىنىڭ اكىمدىگىنەن زۆونداپ تۇر. وبلىس پروكۋرور ءسىزدى اكىمگە تاپسىردى. "كوميسسيا قۇرايىق ۇيلەردى تەكسەرەيىك"- دەپ!

سۇراق باس پروكۋرور ع.نۇرداۋلەتوۆكە!
وبلىس پروكۋرورى ءابدىروۆ نەگە وتىر؟

حالىقتى كىنالاۋ ءۇشىن بە؟ الدە اكىمدەرگە جىبەرۋ ءۇشىن بە؟ الدە توتەنشە جاعداي بولعانعا بايلانىستى، وبلىستىق پروكۋراتۋرا سوڭىنا دەيىن باقىلاپ، تۇرعىنداردىڭ قۇقىعىن قورعاۋ كەرەك ەكەنىن ۇمىتىپ كەتتى مە؟

پرەزيدەنت ق.توقاەۆ كەشە عانا جولداعان جولداۋىندا، "جەرگىلىكتى اتقارۋشى بيلىككە حالىقپەن جاقىن بولىڭدار! دەگەن ەدى. وسى ما جاقىندىعى؟!

پرەزيدەنت ق.توقاەۆ! پرەزيدەنت جانىنان قۇرىلعان قوعامدىق كەڭەس مۇشەسى رەتىندە باياندايمىن!

ارىس حالقىنىڭ ءتوزىمى ءبىتتى. "حالىق كوشەگە شىعامىز"-دەگەن سايىن، مەنىڭ جۇرەگىم اۋزىما تىعىلادى. ونى بۇگىن ن.ابدىروۆكە دە جەتكىزدىم.

"جوعارى جاق شەشەدى، ءسال شىداڭىزدار"دەپ كەلەم! الايدا كەشە شۇكەەۆ مىرزا قۇرىلىس جۇمىستارى تولىق اياقتالدى دەگەننەن بەرى حالىق مازاسىزدانۋدا!
دابىل قاعامىن ۇلتتىق قاۋىپسىزدىك كوميتەتى ك.ءماسىموۆ مىرزا! ارىس قالاسىنا كوڭىل بولىڭىزدەر!

ايگۇل ورىنبەكتىڭ facebook پاراقشاسىنان

Abai.kz

3 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2260
عيبىرات

قايسار رۋحتى عازيز جان

مۇحتار قۇل-مۇحاممەد 3541