ەكىنشى اقپارات بەرۋشى امەريكالىق بارلاۋ قاۋىمداستىعىنىڭ ىشكى باقىلاۋ قىزمەتىنىڭ قىزمەتكەرلەرىمەن بايلانىسقان. بۇل جونىندە اقپارات بەرۋشىنىڭ ادۆوكاتى مارك زايد مالىمدەدى.
ەي-بي-سي تەلەكانالىنا سۇقبات بەرگەن زايد بارلاۋ قىزمەتىندە جۇمىس ىستەيتىن ەكىنشى مالىمەتشى باس ينسپەكتور تاراپىنان تەرگەۋگە الىنعانىن ايتتى.
ءبىرىنشى اقپارات جەتكىزۋشى 25 شىلدەدە ۋكراينا پرەزيدەنتى ۆلاديمير زەلەنسكيمەن تەلەفون ارقىلى سويلەسكەن اقش پرەزيدەنتى دونالد ترامپتىڭ ۋكراينا پرەزيدەنتىنەن دجون بايدەننىڭ ۇلىنىڭ قىزمەتىن تەكسەرۋدى وتىنگەن. دەموكرات دجون بايدەن الداعى پرەزيدەنت سايلاۋىنا قاتىساتىنىن جاريالاعان.
وتكەن جۇمادا ترامپ قىتاي بيلىگىنەن بايدەننىڭ ۇلىنىڭ قىزمەتىن تەكسەرۋدى سۇرادى. وندا بايدەننىڭ ۇلىنىڭ كاسىبى بارى ايتىلادى. پرەزيدەنت مالىمدەمەسىنەن كەيىن رەسپۋبليكاشىلدار اراسىندا ءوزارا پىكىر قايشىلىعى پايدا بولدى. بىرقاتار رەسپۋبليكاشىل- سەناتورلار ترامپتىڭ سوزدەرىنەن كەيىن الاڭداۋشىلىق ءبىلدىرىپ، 2020 جىلى قايتا سايلانۋ ءۇشىن، وزگە ەلدەردەن كومەك سۇراپ جاتىر دەدى.
كونگرەسستەگى دەموكراتتار بولسا پرەزيدەنتتىڭ وسى ءىس-ارەكەتى ءۇشىن
يمپيچمەنت جاريالاۋ ماقساتىندا تەرگەۋدى باستاپ كەتتى.
Abai.kz
