سەنبى, 19 قازان 2019
46 - ءسوز 1104 14 پىكىر 7 قازان, 2019 ساعات 13:09

بەيبىت ميتينگ - حالىقتىڭ كونستيتۋتسيالىق قۇقىعى

زايىرلى، دەموكراتيالىق مەملەكەت دەگەنىمىز نە؟ ۇكىمەت دىنگە ارالاسپاۋ كەرەك، راس. بىراق ءدىن دە مەملەكەتتىك ماسەلەلەرگە ارالاسپاۋ كەرەك قوي! ءبىزدىڭ مەملەكەتىمىزدە يدەولوگيالىق جۇمىس بولماعاندىقتان، يدەولوگيا سالاسى "بارداك" بوپ تۇر.

مىسالى، مۇحامەدجان تازابەك، ءدىندى "اسىل ارنانىڭ" جەتەكىشىسى، نەگە مەملەكەتتىك ورگاندارعا بارىپ - پوليتسياعا، اسكەرلەرگە، مەكتەپتەرگە، جوولارعا - ۋاعىز ايتىپ ءجۇر؟ وعان مۇنداي مۇمكىندىكتى كىم بەرىپ وتىر؟ نەگە ول پوليتسيانى بەيبىت ميتينگكە شىققان حالىققا قارسى ايداپ سالۋدا؟ وعان مۇنداي قۇقىقتى كىم بەردى؟

مۇنداي ارەكەت ناعىز ارانداتۋشىلىق دەپ بىلەم. پوليتسيا بەيبىت شەرۋگە شىققان حالىققا كۇش جۇمساماۋ كەرەك. بەيبىت ميتينگ - شەرۋدى وتكىزۋ - ول حالىقتىڭ كونستيتۋتسيالىق قۇقىعى.

نەگىزى دىنشىلەر ساياساتقا ارالاساتىن بولسا، ءتۇبى قازاقستاندى حاليفاتقا اينالدىرۋى مۇمكىن. ساۋد ارابيا، افعانستان، سيريا سەكىلدى ەلدەرگە اينالامىز. بۇعان دايىنسىڭدار ما؟ ءتۇبى ءسوزسىز وتە قاندى سوعىس بولادى. بىزگە شاريعات الدە دەموكراتيا كەرەك پە؟ تاڭداۋ جاساۋىمىز قاجەت، سەبەبى بۇل ءبىر - بىرىنە 100% قاراما قايشى قۇبىلىستار.

بۇگىنگى كۇندەردى رەپرەسسيا دەيمىز، ال سول كەزدە قاندى تەررور باستالادى. ادامداردىڭ باستارى مەن قولدارىن شابۋ، ايەلدەردى تاسپەن ءولتىرۋ، ت.ب. ويتكەنى حاليفات شاريعات زاڭىمەن ءومىر سۇرەدى. ەلىمىز وتە قاراڭعى ەلگە اينالادى. سوندىقتان ءبىز زايىرلى مەملەكەتتى ساقتاپ قالۋىمىز ءجون.

مەملەكەت ءدىن ماسەلەلەرىنە، ءدىن - مەملەكەت ماسەلەلەرىنە ارالاسپاۋ كەرەك. ءدىن - ادامنىڭ جەكە شارۋاسى، قۇقى. زايىرلى مەملەكەتىمىز دەگەن وسى. الاشوردا قايراتكەرلەرى زايىرلى مەملەكەتكە زار بولدى. ءبىز دە مۇنداي ۇستانىمىندا قالۋىمىز كەرەك.

مۇحتار تايجاننىڭ facebook پاراقشاسىنان

Abai.kz

14 پىكىر