ۇقك سىربار قىزمەتىنە جاڭا ديرەكتور تاعايىندالدى
عابيت بايجانوۆ ۇقك توراعاسىنىڭ ورىنباسارى - سىرتقى بارلاۋ قىزمەتىنىڭ ديرەكتورى بولىپ تاعايىندالدى. بۇل تۋرالى اقوردا ءباسپاسوز قىزمەتى جاريالاندى.
«مەملەكەت باسشىسىنىڭ وكىمىمەن عابيت جاقىپبايۇلى بايجانوۆ قازاقستان رەسپۋبليكاسى ۇلتتىق قاۋىپسىزدىك كوميتەتى توراعاسىنىڭ ورىنباسارى - سىرتقى بارلاۋ قىزمەتىنىڭ ديرەكتورى قىزمەتىنە تاعايىندالدى»، - دەلىنگەن حابارلامادا.
بۇعان دەيىن ول «سىربار» سىرتقى بارلاۋ قىزمەتىنىڭ ديرەكتورى بولعان. 2018 جىلدىڭ قىركۇيەگىنەن 2019 جىلدىڭ اقپانىنا دەيىن - پرەزيدەنتتىڭ كومەكشىسى - قازاقستان قاۋىپسىزدىك كەڭەسىنىڭ حاتشىسى. اقپان ايىندا ول سىرتقى بارلاۋ قىزمەتىنە قايتا ورالدى.
«سىربار» قىزمەتى تىكەلەي پرەزيدەنتكە باعىنادى. بارلاۋ، اناليتيكا جانە ۇلتتىق قاۋىپسىزدىكپەن اينالىسادى. مەملەكەت باسشىسى توقاەۆ پرەزيدەنت بوپ سايلانعاننان كەيىن ءبىر اپتا وتكەندە ۇلتتىق قاۋىپسىزدىكتى نىعايتۋ جانە بارلاۋ قىزمەتىن ودان ءاpi جەتىلدىرۋ جونىندەگى شارالار تۋرالى جارلىق شىعارىپ، 2009 جىلدىڭ 17 اقپانىندا قازاقستان پرەزيدەنتىنىڭ جارلىعىمەن قۇرىلعان "سىربار" سىرتقى بارلاۋ قىزمەتىن ۇقك قۇزىرىنا بەرگەن.
تۇپنۇسقا: tarlan.kz
Abai.kz
