دارحان قاناتبەكوۆ قر ءىىم قىلمىستىق-اتقارۋشى جۇيەسى كوميتەتىنىڭ (قاجك) توراعاسى قىزمەتىنەن كەتتى. 

"ىشكى ىستەر ءمينيسترى ەرلان تۇرعىمباەۆتىڭ بۇيرىعىمەن ءىىم قىلمىستىق-اتقارۋ جۇيەسى كوميتەتىنىڭ توراعاسى دارحان قاناتبەكوۆ قىزمەتىنەن بوساتىلدى", - دەلىنگەن ءىىم حابارلاماسىندا.

قىلمىستىق-اتقارۋ جۇيەسى كوميتەتى توراعاسىنىڭ قىزمەتتىك مىندەتتەرىن ۋاقىتشا اتقارۋ وسى كوميتەت توراعاسىنىڭ ءبىرىنشى ورىنباسارى تەڭىزجان جانىبەكوۆكە جۇكتەلدى.

ول بيىل ساۋىردە قاجك توراعاسى قىزمەتىنە تاعايىندالعان ەدى. سول كەزدە ول ازامات بازىلبەكوۆتى الماستىرعان ەدى. بازىلبەكوۆ قاراماعىنداعى قىزمەتكەردىڭ اعاتتىعى ءۇشىن جۇمىستان كەتكەن. ونىڭ ءبىرىنشى ورىنباسارى بەكبولات تورەمۇراتوۆتى باتىس قازاقستان وبلىستىق ارنايى پروكۋراتۋرا قىزمەتكەرلەرى ۇستادى.

دارحان قاناتبەكوۆ وسىعان دەيىن قاراعاندى وبلىسى بويىنشا قىلمىستىق-اتقارۋ جۇيەسى دەپارتامەنتىندە ءبولىم باسشىسى، باسشىنىڭ ورىنباسارى، مەكەمە باسشىسى، قاجد باسشىسىنىڭ ورىنباسارى، سوسىن باسشىسى بولىپ قىزمەت اتقاردى. سونداي-اق، قر ءىىم قىلمىستىق-اتقارۋ جۇيەسى كوميتەتى توراعاسىنىڭ ورىنباسارى قىزمەتىن اتقاردى.

تۇپنۇسقا: تengrinews.kz

Abai.kz