جۇما, 29 ناۋرىز 2024
2150 0 پىكىر 10 قازان, 2019 ساعات 11:00

پوروشەنكوعا مۇلىك دەكلاراتسياسىن دۇرىس تولتىرماعانى ءۇشىن ءىس قوزعالدى

ۋكراينا مەملەكەتتىك تەرگەۋ بيۋروسى بۇرىنعى پرەزيدەنت پەتر پوروشەنكوعا قارسى قىلمىستىق ءىس اشتى. ساياساتكەر مۇلىك دەكلاراتسياسىن دۇرىس تولتىرماعان دەگەن كۇدىككە قالدى. بۇل تۋرالى Ukranews اگەنتتىگى بيۋروعا سىلتەمە جاساپ حابارلادى.

"وسىنداي ءىس تىركەلگەنى راس" دەدى مەملەكەتتىك بيۋرو قىزمەتكەرى. مۇنداي ءىستى قوزعاۋعا جوعارعا رادا دەپۋتاتتارىنىڭ ءبىرىنىڭ ارىزى تۇرتكى بولعان. بىراق ونىڭ كىم ەكەنى ازىرگە بەلگىسىز.

پوروشەنكو ءىرى كولەمدە ايىپپۇل تولەپ، ءۇش جىلعا دەيىن باس بوستاندىعىنان ايرىلۋى مۇمكىن. بۇعان قوسا وعان بىرنەشە جىل مەملەكەتتىك قىزمەت اتقارۋعا تىيىم سالىنۋى عاجاپ ەمەس.

پوروشەنكوعا قاتىستى ءىس قوزعالعانىن "سلۋگا نارودۋ" پارتياسىنىڭ دەپۋتاتى الەكساندر دۋبينسكي راستاعان ەدى. ونىڭ ايتۋىنشا، پوروشەنكونىڭ 2018 جىلى وتكىزگەن مۇلىك دەكلاراتسياسىندا جالعان اقپارات بەرىلگەن.

قۇجاتتا پوروشەنكو جىلدىق تابىسىن 12,4 ميلليوننان 16,9 ملن گريۆەن ($47,6 مىڭنان $75,2 مىڭعا دەيىن) ارالىعىندا ەكەنىن كورسەتكەن.

زاڭگەر اندرەي پورتنوۆ ۋكراينا باس پروكۋراتۋراسىنا پوروشەنكونىڭ قاتىسى بار وفشور ەسەپتەرى تۋرالى مالىمەت جولداعانىن حابارلادى.

ۋكراينا پرەزيدەنتى ۆلاديمير زەلەنسكيدى دە مەملەكەتتىك تەرگەۋ بيۋروسىنا شاقىرعان. مەملەكەت باسشىسى "پرياموي" تەلەارناسىن ساتىپ الۋعا قاتىستى سالىق توڭىرەگىندەگى ساۋالدارعا جاۋاپ بەرگەن.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2277
عيبىرات

قايسار رۋحتى عازيز جان

مۇحتار قۇل-مۇحاممەد 3594