دۇيسەنبى, 16 جەلتوقسان 2019
انە، كوردىڭ بە؟ 1402 1 پىكىر 15 قازان, 2019 ساعات 17:13

نۇرپەيىسوۆ ەندى ساياساتتى قويىپ، ساياحاتپەن اينالىسپاق

مەن پرەزيدەنتتى تاڭداي الماسام دا، قاي ەلدە ءومىر سۇرگىم كەلەتىنىن تاڭداي الامىن،- دەيدى اكتەر ءانۋار نۇرپەيىسوۆ. #مەنوياندىم حەشتەگى ارقىلى ساياسي كوزقاراسىن ءبىلدىرىپ، ارتىنشا ۇزاق ۋاقىت كورىنبەي كەتكەن اكتەر شري-لانكاعا قونىس اۋدارىپتى.

ول اتالعان ۆيدەوسىن YouTube-تەگى كانالىنا ورنالاستىرعان. ايتۋىنشا، ول ەندى ساياساتقا ەمەس، ساياحاتقا دەن قويماق.

-وسىنىڭ ءبارى باستالعان كەزدە: «مەن بۇل ومىردە نە ىستەگىم كەلەدى؟»- دەپ ويلادىم. جاۋابى انىق: باقىتتى ءومىر ءسۇرۋ. بىراق ءسىز ساياسي ويىندارعا ارالاسقاننان كەيىن باقىتتان الىستايسىز. بۇدان ءارى مەنىڭ الدىمدا تاڭداۋ تۇردى. ءسويتىپ، مەن ءوز تاڭداۋىمدى جاساعاننان كەيىن قازاقستانداعى ءوز مۇمكىندىكتەرىمدى قاراستىردىم. سوسىن نەگە ساياحاتتاماسقا دەپ ويلادىم. ەگەر مەن پرەزيدەنتتى تاڭداي المايتىن بولسام، وندا مەن قاي ەلدە ءومىر سۇرگىم كەلەتىنىن تاڭداي الامىن.
ازىرگە مەن شري-لانكاعا قونىس اۋداردىم، - دەدى ول YouTube-تەگى جەكە ارناسىندا.

نۇرپەيىسوۆتىڭ ايتۋىنشا، ول تۇرمەگە تۇسپەۋ ءۇشىن قازاقستاننان كەتۋگە شەشىم قابىلداعان.

-ءبىز 5 ماۋسىم كۇنى، قر پرەزيدەنتىن سايلاۋعا 4 كۇن قالعاندا، ەلىمىزدەگى سايلاۋدىڭ قۇندىلىعىن بۇكىل الەمگە كورسەتۋ ءۇشىن بەينەتاسپا جاريالاۋدى جوسپارلادىق. الايدا، ماعان ءبىر دوسىم قوڭىراۋ شالىپ، ماعان «قىزىل كارتوچكانىڭ» ورناتىلعانىن ايتتى. ياعني، بۇل -فيزيكالىق كۇش قولدانۋ نەمەسە قاماۋ. ءبىز ءۇشىن بارلىق شەشىمدى باسقالار قابىلدايتىن ەلدە ءومىر ءسۇرىپ جاتقانىمىزدى تۇسىنەمىز. ەلىمىزدەگى ءسوز بوستاندىعىنىڭ جاي-كۇيى دە بەلگىلى. بىراق، مەن ءسوز بوستاندىعى ءدالىزىنىڭ قابىرعالارى وسىنشالىقتى نازىك دەپ ويلاماپپىن.(...) ، - دەيدى نۇرپەيىسوۆ ءوز ۆيدەوسىندا

ءسويتىپ، اكتەر شري-لانكاعا كەتۋگە بەل بايلاعان. نۇرپەيىسوۆ ول جەردە قوناق ءۇيدى ءۇش جىلعا جالعا الىپ، سوندا مەنەدجەر بولىپ جۇمىس ىستەمەك.

اكتەردىڭ ايتۋىنشا، وعان بيلىككە ساتىلدىڭ دەگەن سىندى پىكىرلەردى وقۋ وتە اۋىر بولعان. سونداي-اق، ۇندەمەۋ ءۇشىن وزىنە اقشا ۇسىنىلعانىن دا ايتتى.

ءسويتىپ، نۇرپەيىسوۆ مىرزا وسى بەينەروليگى ارقىلى كوپتەن كورىنبەي كەتۋىنىڭ سەبەبىن ءتۇسىندىردى.

ايتا كەتەيىك، بۇعان دەيىن ول قازاقستانداعى ساياسي جاعدايدى قاتاڭ سىنعا العان «مەن وياندىم» ناۋقانىن باستاپ، قوعامدىق پىكىرگە ارالاسقان.

Abai.kz

1 پىكىر