مەن ءوز باسىم قايرات نۇرتاستى،تورەعاليدى،تۇرسىنبەكتى تويىما 100 000 عا دا شاقىرماس ەدىم. نە ول؟ نە قىزىق سوندا؟ وتىرىك ميكروفون الىپ، وتىرىك ءازىلدى ايتىپ، قازاقتى مازاقتاپ 3 000 000 دى الادى دا كەتەدى. مەن ول ميلليوندارعا ءۇي سالمايمىن با، جەر المايمىن با، كاسىپ اشپايمىن با؟ وسىنشاما اقشانى وتىرىك ميكروفون الىپ قيساڭداعان ادامعا بارى جوعى ءۇش ساعات ىشىندە تاپسىرا سالۋ وبيدا عوي، وبيدا. نەنىڭ ازابى؟ ماقتاندى ازاپپەن تاپقان اقشاڭا جاسايسىڭ سوعان ميلليونداردى تاپسىرا وتىرىپ. تۇك لوگيكا جوق. اقىماقتىق پەن ناداندىق قانا.

تاپسىرىس بەرۋشى دە، الۋشى دا اقىماق. ونىڭ ۇستىنە جاتاتىن ورنىنا مىقتى قوناق ءۇيى، تاماعى، جۇرەر جولى...ت.ب. مادەني الاياق وسى. ءبىزدىڭ كەيبىر اقىماقتار كرەديت الىپ وسىلاردى تويعا شاقىرادى ەكەن. توپاستىقتا دا شەك جوق. ەرتەڭ كرەديتىمدى تولەي الماي وتىرمىن دەپ جىلاعانىنا جول بولسىن... وكىمەتتى كىنالايدى كەلىپ، كرەديتىمەن قىسىپ جاتىر دەپ.

شىندىعىندا انشىلەر قازاقتى ەكراندا ازدىرسا، ەكىنشى جاعىنان قالتاسىن قاعىپ تا ازدىرىپ جاتىر. بارىپ تۇرعان ۇلتتىق ماسەلەنى كۇلىپ، ويناپ، جىرتاڭداپ ءجۇرىپ -اق انشىلەر جاساپ ءجۇر. بىراق قازاقتىڭ وزىنەن. وسى ميلليونداردى قۇندىلىقتارعا، ءبىلىم مەن عىلىمعا، وركەنيەت جولىنا جۇمساسا، قازاقتان تالاي ميلليونەرلەر مەن كاسىپكەرلەر شىعار ەدى عوي.

ەلدىك - اقشانى شاشۋدان ەمەس، ۇقىپپەن جيناۋدان باستالادى. قازاققا مۇندايدى دوعارماي قايداعى وركەنيەت؟

بەكبولات قارجاننىڭ facebook پاراقشاسىنان

Abai.kz