نامانگان وبلىسىنداعى ەكو-بەلسەندى مارات ناۋموۆتىڭ ايتۋىنشا، قوڭىر ايۋدىڭ گوۆا اۋىلىندا جۇرگەنى تۋرالى وبلىستىق باسقارماعا حابارلانعان، بىراق مەكەمە ەشقانداي شارا قولدانباعان.

"ايۋدى كۇنى بويى قورادا قاماۋدا ۇستادى. باسشىلىق ونى ۇيىقتاتىپ، سوسىن تاۋعا اپارىپ تاستاۋدى، بولماسا حايۋاناتتار باعىنا تاپسىرۋدى ۇسىنعان. بىراق وبلىستا ايۋدى ۇيىقتاتاتىن ءدارى تابىلمادى. سوسىن ەكى اڭشى ايۋدى اتىپ تاستاعان" دەدى نامانگان وبلىسى اڭشىلار بىرلەستىگى توراعاسىنىڭ كومەكشىسى انۆارجون دوستونوۆ.

"قوڭىر ايۋدى گوۆا اۋىلىنىڭ تۇرعىنى گۇلباحور ميرازاحمەدوۆا كورگەن. ايۋ ونىڭ اۋلاسىندا ەكى اياعىمەن تىك تۇرعان. ايەل وعان تاس لاقتىرعان سوڭ، ايۋ قوراعا قاشىپ كىرگەن. تۇرعىندار ونىڭ ەسىگىن جاۋىپ، جارتى كۇن كۇتكەن. سوسىن ەكى اڭشى كەلىپ، ونى اتىپ تاستاعان" دەدى ەكو-بەلسەندى.

قوڭىر ايۋ حالىقارالىق قىزىل كىتاپقا ەنگىزىلگەن. "وزبەكستاندا 200-250 قوڭىر ايۋ بار. قازىر ودان دا از. قوڭىر ايۋدى تيان-شان ايۋى دەپ تە اتايدى. قوڭىر ايۋدى ولتىرۋگە تىيىم سالىنعان".

وزبەكستاندا ۇكىمەت قاۋلىسى بويىنشا، قوڭىر ايۋعا زيان تيگىزگەندەرگە 840 مىڭ سۋم (شاماەن 90 دوللار) ايىپپۇل سالىنادى.

Abai.kz