سەنبى, 24 تامىز 2019
46 - ءسوز 1429 3 پىكىر 11 شىلدە, 2019 ساعات 15:49

جەكە اكتسيا، پروتەستكە نەمقۇرايلى قاراماۋىمىز كەرەك!

جوعارى شەندى شەنەۋنىكتەر، لاۋازىمدى تۇلعالاردىڭ جەمقورلىعىنا قارسى كۇرەسكە كوڭىلىمىز تولمايدى. كەشە ايىپپۇلمەن قۇتىلعان ۆيتسە-ءمينيستردىڭ ىسىنە قاتىستى قانشا نارازى پوست جازىلدى. بىراق بيلىككە ول پروتەست جەتپەي جاتىر نەمەسە ولار مۇلدەم ەلەمەۋدە. ءتىپتى حالىقتى تابالاعانداي "شىعارماشىلىقپەن" اينالىسۋدا. بيلىكتىڭ جان-جاعىندا جۇرگەن قۇلقىنى تويىمسىز جەمقورلار ءۇشىن بۇل "جاقسى" سيگنال. جەي بەر. بولىسسەڭ بولدى. اقتالىپ شىعاسىڭ. قام جەمە، شىعارماشىلىقپەن اينالىس.

رەسپۋبليكا قوزعالىسىنىڭ مانيفەستىندە ايتىلعانداي "قازىر ساياسي تۇرعىدا حالىق كىم؟ ەشكىم دە ەمەس" ول ءوزىن باسقاراتىن اكىم-قارالاردى سايلاي المايدى. ولاردان ءوز مۇددەلەرىن قورعاۋدى تالاپ ەتە المايدى. ءتىپتى قارسىلىعىن ءبىلدىرىپ، ويىن ەركىن ايتا المايدى.

بۇل جاعدايدا نە ىستەمەك كەرەك؟ تەك بىرىگىپ، بيلىكتىڭ شىنايى كوزى ەكەنىن ءبىلدىرۋ. جەكە اكتسيا، پروتەستكە نەمقۇرايلى قاراماۋىمىز كەرەك. بۇگىن بىرەۋدىڭ قۇقىعى بۇزىلىپ، قۋعىنعا ۇشىراسا، ەرتەڭ ول جاعداي سەنىڭ باسىڭا تۇسپەسىنە كىم كەپىل؟ سول كەزدە وزگەلەردىڭ دە ءپىتىر لايك باسىپ نە اينالىپ وتكەنىن قالايسىڭ با؟

حالىق توبىر ەمەس، بەلسەندى ازاماتتاردان قۇرىلعان قوعام، پارمەندى كۇش، بيلىكتىڭ قاينار كوزى. ءبىزدىڭ كۇشىمىز بىرلىكتە. 

بەللا ورىنبەتوۆانىڭ facebook پاراقشاسىنان

Abai.kz

3 پىكىر