ونىڭ ۇستىنە جامان ايتپاي جاقسى جوق، ەگەر ءبىز اسكەري قاقتىعىسقا ءتۇسىپ قالساق ورىس تىلىندەگى بۇيرىقتى، اسكەري قيمىلدى جاۋ اسكەرى بىردەن ءتۇسىنىپ وتىرماي ما؟! 1997 جىلى تۇسىرىلگەن ورىس-شەشەن سوعىسىنا ارنالعان "چيستيليششە" ءفيلمى ەسىڭىزدە ما؟ سوندا شەشەن ساربازدارى ارنايى قۇرىلعىلار ارقىلى ورىستاردىڭ ءىس-قيمىلىن ەستىپ، ءتۇسىنىپ، قارسى ارەكەت ەتىپ وتىرادى. ال ورىس ساربازدارى "شەشەن تىلىندە سويلەۋدە" دەگەننەن باسقا تۇك تۇسىنبەي، اۋزىن اشىپ وتىرادى. ياعني ۇلتتىق ءتىل ارقىلى دا اسكەري تاكتيكا قۇرۋعا بولادى.

ەكىنشى ماسەلە ءبىزدىڭ اسكەري تەحنيكانىڭ باسىم بولىگى رەسەيلىك، ودان قالدى ءتىپتى كسرو-نىكى. رەسەيلىك قارۋ مىقتى دەگەنىمىزبەن، بۇل ۇلتتىق قاۋىپسىزدىك تۇرعىسىنان قانشالىقتى دۇرىس. مىسالى "ۋكراين ستسەناريى" ورىن السا(قۇداي ساقتاسىن). وندا قازاق ەلىندەگى رەسەيلىك قارۋلارعا كەرەك وق-ءدارى، بومبا، سنارياد، قوسالقى بولشەك ءبارى-ءبارى تاپشى بولماق. سوندىقتان قارۋ-جاراقتى باتىستىق ەلدەردەن دە العان دۇرىس-اۋ. ازىرگە ونىڭ ۇلەسى بىزدە ازداۋ.

جالپى العاندا ءبىزدىڭ اسكەر شابۋىلداۋشى ەمەس، قورعانۋشى ءپرينتسيپىن ۇستانادى. ال قورعانۋ ءۇشىن بىزگە مىقتى پرو، پۆو، زەنيتتىك راكەتالار، تانكتى جويۋشى Javelin ىسپەتتەس پتركلار (باسقا تيپتەگى بولسىن), بپلا-لار كەرەك دەپ ويلايمىن.