اتاۋلى الەۋمەتتىك كومەكتى ءبولۋدىڭ جاڭارتىلعان مودەلى ەلباسى نۇرسۇلتان نازارباەۆ باستاماشى بولعان «الەۋمەتتىك قامقورلىق» الەۋمەتتىك شارالارىنىڭ قيسىندى جالعاسى جانە پرەزيدەنت قاسىم-جومارت توقاەۆتىڭ «Cىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» قازاقستان حالقىنا ارناعان جولداۋىندا بەرىلگەن تاپسىرمالارىن ورىنداۋ ماقساتىندا 2020 جىلدىڭ 1 قاڭتارىنان باستاپ الەۋمەتتىك قولداۋ شارالارىنىڭ كەشەندى ءتاسىلى مەن اتاۋلى سيپاتىن قابىلداۋدى قاراستىراتىن زاڭ جوباسى قابىلدانۋدا.

مەملەكەتتىڭ اتاۋلى الەۋمەتتىك كومەكتى تاعايىنداۋداعى نەگىزگى ۇستانىمى –كومەككە شىنايى مۇقتاج ازاماتتارعا كومەكتەسۋ. مەملەكەت ءبىرىنشى كەزەكتە بالالارعا جانە كوپبالالى وتباسىلارعا كومەكتەسەدى. ەڭبەككە قابىلەتتى ازاماتتار جۇمىس ىستەۋى كەرەك، مەملەكەت جۇمىسقا ورنالاسۋعا نەمەسە كىشى بيزنەسپەن اينالاسۋعا جاردەم بەرەدى.

بۇل ماقساتتاعى كەشەندى شارالار ءۇش باعىتتى قۇرايدى.
ءبىرىنشىسى – كوپبالالى وتباسىلاردى جەكە ساناتقا شىعارۋ جانە ولارعا كەپىلدەندىرىلگەن جاردەماقىنى ۇسىنۋ. بۇل – كوپبالالى انالاردى جاعدايىنا جانە الەۋمەتتىك ستاتۋسىنا قاراماي اۆتوريتەتىن مويىنداۋ جانە ەلىمىزدە بالا تۋ كورسەتكىشىن جوعارىلاتادى. كوپبالالى وتباسىلار ءۇشىن رەسپۋبليكالىق بيۋدجەت ەسەبىنەن مەملەكەتتىك جاردەماقى ەنگىزىلەدى. بۇل مەملەكەتتىك جاردەماقىنى تولەۋ وتباسىنىڭ تابىسىنا تاۋەلدى بولمايدى جانە بارلىق كوپبالالى، ياعني ءتورت جانە ودان دا كوپ كامەلەتتىك جاسقا تولماعان بالالارى بار وتباسىلارعا تولەنەدى. اتاپ ايتقاندا:

4 بالاسى بار وتباسىلارعا – 42 500;
5 بالاسى بار وتباسىلارعا – 53 125;
6 بالاسى بار وتباسىلارعا – 63 750;
7 بالاسى بار وتباسىلارعا – 73 375 تەڭگە كومەك
تاعايىندالاتىن بولادى.

ەكىنشىسى – از قامتىلعان ساناتتاعى ازاماتتاردى قولداۋ جانە ولاردى ەڭبەككە ىنتالاندىرۋ. اتاۋلى الەۋمەتتىك كومەك از قامتاماسىز ەتىلگەن، سونىڭ ىشىندە كوپبالالى وتباسىلارعا تولەنەدى. كريتەريى وڭىرلىك ەڭ تومەنگى كۇنكورىس دەڭگەيىنىڭ 70%-ءى دەڭگەيىندە قالادى. اتاۋلى الەۋمەتتىك كومەك مولشەرى بۇرىنعىداي جان باسىنا شاققانداعى ورتاشا تابىس پەن ەڭ تومەنگى كۇنكورىس دەڭگەيىنىڭ 70% اراسىنداعى ايىرما رەتىندە تولەنەتىن بولادى. بۇل رەتتە، تابىسى جوق وتباسىلار بيىلعى مولشەرمەن بىردەي الاتىن بولادى.

الەۋمەتتىك كومەكتىڭ توقسان سايىن تاعايىندالۋىن قايتارۋ، شارتتى جانە شارتسىز كومەكتى ءۇش ايعا تاعايىنداۋ. بۇل ءبىر جاعىنان كومەك الۋشىلاردىڭ ءوز تابىسىن جاسىرۋ جاعدايىن بارىنشا تومەندەتەتىن بولادى. ەكىنشى جاعىنان كومەكتى تاعايىنداۋ ءتارتىبى ءادىل بولادى. سەبەبى وتباسىنىڭ جان باسىنا شاققانداعى تابىسى كەلەسى توقساندا كوبىنە ازايۋ جاعىنا وزگەرىپ جاتادى. ياعني، ااك-ءتى توقسان سايىن ەسەپتەگەندە تاعايىندالعان مولشەرى ۇلعايۋى مۇمكىن. بارلىق وتباسى مۇشەلەرىنە اتاۋلى الەۋمەتتىك كومەك ورتا تابىسى مەن كەدەيلىك شەگى اراسىنداعى ايىرماشىلىق كولەمىندە تولەنەدى.
ەگەر وتباسىنىڭ ەڭبەككە قابىلەتتى مۇشەسى ۇسىنىلعان جۇمىسپەن قامتۋ شارالارىنان باس تارتسا، وندا ول جانە ونىڭ وتباسىنىڭ بارلىق مۇشەسى اتاۋلى الەۋمەتتىك كومەك الۋ قۇقىعىنان ايىرىلادى.
وتباسىنىڭ ەڭبەككە قابىلەتتى مۇشەلەرى جۇمىس ىستەۋى كەرەك جانە وتباسى ءۇشىن جاۋاپكەرشىلىكتى سەزىنۋى ءتيىس. ول ءۇشىن اتاۋلى الەۋمەتتىك كومەك شارتتى اقشالاي كومەك تۇرىندە كومەك كورسەتىلەدى جانە ءبىرىنشى كەزەكتە از قامتىلعان وتباسىلارداعى جۇمىسسىز ازاماتتارعا باعىتتالاتىن “ەڭبەك” جۇمىسپەن قامتۋ باعدارلاماسىنىڭ پوتەنتسيالىن ماكسيمال قولدانادى. قابىلدانعان شارالاردىڭ ناتيجەسىندە از قامتاماسىز ەتىلگەن جانە كوپبالالى وتباسىلاردىڭ ەڭبەك الەۋەتى ىنتالاندىرىلادى، ولاردىڭ كىرىستەرىن ارتتىرىپ، الەۋمەتتىك جاعدايلارىن جاقسارتاتىن كاسىپكەرلىككە تارتۋ ءۇشىن مۇمكىندىك پەن جاعداي جاسالادى.

ءۇشىنشىسى – مەملەكەتتىڭ از قامتىلعان وتباسىلارداعى بالالاردى كەپىلدەندىرىلگەن الەۋمەتتىك پاكەتپەن قامتاماسىز ەتۋى: 1-دەن 6 جاسقا دەيىنگى بالالار تاماقپەن، گيگيەنالىق قۇرالدارمەن جانە ءبىلىم بەرۋ قىزمەتتەرىمەن، ال 6 جاستان 18 جاسقا دەيىن — مەكتەپتەردە تەگىن ىستىق تاماقپەن، قالالىق قوعامدىق كولىكتە كۇندەلىكتى تەگىن جول جۇرۋمەن، مەكتەپ فورماسىمەن، وقۋ قۇرالدارىمەن قامتاماسىز ەتىلەدى.

ازاماتتارىمىز كومەككە مۇقتاج ادامداردىڭ ءبارى – از قامتىلعاندار، كوپ بالالى وتباسىلار مەن بالالار مەملەكەتتىڭ قورعاۋىندا بولعانىن جانە سولاي قالاتىنىن ءبىلۋى كەرەك. جۇمىس ىستەي الاتىندارعا – ولارعا وقۋدان وتۋگە، ماماندىق الۋعا، جەكە كاسىپ اشۋعا، جۇمىسقا ورنالاسۋعا بارلىق جاعداي جاسالادى.
مەملەكەتتىڭ جاڭا اتاۋلى الەۋمەتتىك كومەكتەن كۇتەتىن ناتيجەلەرى قانداي:
- جاڭا ەرەجەلەر تاعايىندالاتىن كومەكتى بارىنشا ءادىل تۇردە
- ازاماتتاردى ەڭبەككە ۋاجدەمەلەيدى.
- مەملەكەتتىك اتاۋلى الەۋمەتتىك كومەك شىنىمەن مۇقتاج ادامدارعا كورسەتىلەتىن بولادى.

ساتىبالدى جۇنىسبەكوۆتىڭ facebook پاراقشاسىنان

Abai.kz