قىزىلوردا قالاسىندا قر مادەنيەت جانە سپورت مينيسترلىگى ءتىل ساياساتى كوميتەتىنىڭ قولداۋىمەن «ايتىس اقىندارى مەن جىرشى، تەرمەشىلەردىڭ حالىقارالىق وداعى» رقب ۇيىمداستىرۋىمەن «تەكتى ءسوزدىڭ تورەسى — تەرمە» اتتى رەسپۋبليكالىق جىرشى-تەرمەشىلەر بايقاۋى ءوتتى.

ا.توقماعامبەتوۆ اتىنداعى مادەنيەت ورتالىعىندا وتكەن سايىسقا رەسپۋبليكانىڭ 14 وبلىسى مەن 3 مەگاپوليسىنەن 17 ءوتىنىش ءتۇسىپ، ءىس جۇزىندە 13 ۇمىتكەر ونەر كورسەتتى.

ءىس-شارانى «ايتىس اقىندارى مەن جىرشى، تەرمەشىلەردىڭ حالىقارالىق وداعى» رقب باسقارما توراعاسى ج. ەرمان مەن قىزىلوردا وبلىستىق اكىمدىگى ىشكى ساياسات باسقارماسىنىڭ باسشىسى ت.ماقانوۆ ءسوز سويلەپ اشىپ بەردى.

قر حالىق ءارتىسى ق. بەكبوسىنوۆ توراعالىق ەتكەن قازىلار القاسىنىڭ قۇرامىندا قر مادەنيەت قايراتكەرى، جىرشى ە.شالدىبەكوۆ، «دارىن» مەملەكەتتىك جاستار سىيلىعىنىڭ، «قۇرمەت» وردەنىنىڭ يەگەرى، اقىن ب.شويبەكوۆ، قر «مادەنيەت سالاسىنىڭ ۇزدىگى»، ونەرتانۋشى ە.قاينازار، ەكى دۇركىن «التىن دومبىرا» يەگەرى م.نيازوۆ قازىلىق ەتتى.

بايقاۋ قورىتىندىسى بويىنشا باس جۇلدە — ەلبول قۋانبەككە (الماتى وبلىسى) بۇيىردى. ءى-ورىن شىنبولات ايداناعا (شىمكەنت), ەكى ءىى-ورىندار بەكپەيىسوۆ مۇحامەدالىگە (قىزىلوردا) جانە ءالبوسىن تاڭنۇرعا (كوكشەتاۋ) بۇيىردى. ءۇشىنشى ورىنعا ىقايىرجانوۆا گۇلباعىم(الماتى) مەن قيساتوۆا سالتاناتقا (پاۆلودار) تيەسىلى بولدى.

جۇلدەگەرلەر مەن قاتىسۋشىلار قر مادەنيەت جانە سپورت مينيسترلىگىنىڭ ديپلومىمەن جانە قارجىلاي سىيلىقتارمەن ماراپاتتالدى.

Abai.kz