بەيسەنبى, 28 ناۋرىز 2024
46 - ءسوز 4955 11 پىكىر 27 قاراشا, 2019 ساعات 13:01

ادام اقشانى كوپ تاپقاننان بايىمايدى

عۇلامالاردان عيبرات بوپ جەتكەن مىناداي قۇلاق سۇيسىنەرلىك ءسوز بار: "جاقسى سۇراق قويۋ - تانىمنىڭ جارتىسى، ادامدارمەن جاقسى مامىلەدە بولۋ - اقىلدىڭ جارتىسى، اقشانى قىسىپ ۇستاۋ - بايلىقتىڭ جارتىسى".

قارجىلىق ساۋاتتىلىق - قولداعى اقشانى ۇستاي ءبىلۋ ونەرىنەن باستالادى. ول دا - ونەر (پارسىشا - ھۇنەر -ءبىلىم). ادەتتە ادامدار قولىنا ەڭبەكپەن، ميحناتپەن كەلگەن قارجىنى ويسىز جۇمساپ جىبەرىپ: "اقشا دەگەن - سۋ عوي " دەپ ءوز بىلىمسىزدىگىن اقتاپ وتىرعانىن تالاي كوردىك.

اعىلشىندار: " A fool and his money are soon parted" - اقىماق اقشاسىمەن تەز قوشتاسادى - دەيدى. ءبىز بۇل اعىلشىن ماقالىن بىلاي دەپ قازاقشالادىق: "اقىلى جوقتىڭ - قالتاسى تەسىك".

قازىرگى قارجى سالاسىنىڭ بىلگىرلەرىنىڭ ايتۋى بويىنشا، ادام اقشانى كوپ تاپقاننان بايىمايدى، قولداعى قارجىنى ساقتاي بىلۋىمەن بايدى.
قازاقتىڭ ەكونوميكالىق (ۇنەمشىلدىك) ساناسىنىڭ ولشەمدەرى ابايدىڭ "قۋانباڭدار جاستىققا" دەپ باستالاتىن ولەڭىندە انىق كورىنەدى:

"... ادالدان تاپقان تيىندى
سال دا ساقتا قاپشىققا.
قولداعىڭدى قورعاپ باق،
مال ارزان دەپ اپتىقپا.
سىپايى ءجۇر دە، شارۋا ويلا،
داڭعويلانىپ قاقتىقپا...".

ال، ءسىز قيىندىقپەن، ماڭداي تەرمەن كەلگەن تيىندى تەڭگە ەتە الاسىز با، اعايىن؟!

ومار جالەلۇلىنىڭ الەۋمەتتىك جەلىدەگى پاراقشاسىنان

Abai.kz

11 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1559
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2250
عيبىرات

قايسار رۋحتى عازيز جان

مۇحتار قۇل-مۇحاممەد 3499