جۇما, 29 ناۋرىز 2024
5223 1 پىكىر 29 قاراشا, 2019 ساعات 13:27

سقو ۇلكەن مۇمكىندىكتەر الاڭى – اقساقالوۆ

ەلوردادا ءوڭىردىڭ 10 ايلىق دامۋ بارىسىن قورىتىندىلاعان سقو اكىمى قۇمار اقساقالوۆ وسىلاي دەدى.  بۇل تۋرالى baq.kz حابارلادى. 

بىرەۋى نان جانە ءسۇت دەيدى. باسقالارى ورماندار مەن كولدەر جايلى ايتادى. مەنىڭ ويىمشا، سولتۇستىك قازاقستان ەڭ الدىمەن، ۇلكەن مۇمكىندىكتەر بار ءوڭىر. اسىرەسە، ينۆەستورلار ءۇشىن،  - دەيدى ءوڭىر باسشىسى.

ونىڭ سوزىنە قاراعاندا، ەلىمىزدىڭ سولتۇستىك قاقپاسى اۆتو جانە تەمىرجول توراپتارىن ىڭعايلى كولىك حابىنا بايلانىستىرادى.

پەتروپاۆل حالىقارالىق اۋەجايى بارلىق اۋەكومپانيالارعا اشىق. سونداي-اق، سولتۇستىكتىڭ تابيعاتى، جەرى جانە اۋاسى ەكولوگيالىق تازا بولىپ ەسەپتەلەدى. ال بۇل تۋريزم جانە ەكو-ءونىمدى شىعارۋعا جاقسى نەگىز،  - دەدى اكىم.

سونداي-اق وبلىس باسشىسى پەتروپاۆلدا ونەركاسىپتىڭ پوتەنتسيالى جوعارى ەكەنىن اتاپ ءوتتى.

ەلباسىنىڭ قولداۋىمەن ۇكىمەت وبلىستى دامىتۋعا باعىتتالعان شارالاردى قابىلدادى. ءۇش جىلدا ءوڭىر ەكونوميكاسىنا 320 ملرد تەڭگە قۇيىلدى. بيىلدىڭ وزىندە جۇيەلى ماسەلەلەردى شەشۋگە 92 ملرد تەڭگە ءبولىندى. بۇل تەك مەملەكەتتىڭ اقشاسى عانا ەمەس. 50 ملرد تەڭگەسى جەكە ينۆەستيتسيالاردان تارتىلدى، - دەدى وبلىس اكىمى.

ونىڭ ايتۋىنشا وتكەن 10 ايدا اۋا-رايىنىڭ قولايسىزدىعىنا قاراماستان اگروسەكتوردا ءونىم كولەمى  - 2,6 %، ونەركاسىپتە  - 1,1 % وسكەن. قۇرىلىس جۇمىستارى - 3,9 %، باسپانا - 2%، تۇرعىن ءۇي قۇرىلىسىنا ينۆەستيتسيالار كولەمى  – 24% ۇلعايدى.

وبلىس سوڭعى ءۇش جىلدا ەكسپورت كولەمىن ءوسىرىپ، يمپورتتى قىسقارتۋدا. سىرتقى ساۋدا اينالىمى 3 جىلدا 13% ءوستى. ەكسپورت 1,3 ەسەگە ارتتى. بيىل ەكسپورت 15,4% ءوسىپ، 141 ملن دوللاردى قۇرادى. ءبىز كوپ ءوندىرىپ، سىرتتان ءونىمدى اكەلۋدى ازايتىپ وتىرمىز، - دەيدى قۇمار اقساقالوۆ.

سونىمەن قاتار اكىم جىل قورىتىندىسى بويىنشا وڭىرلىك جالپى ءونىم  1 ترلن 300 ملرد تەڭگە كولەمىندە بولاتىنىن ايتتى.

سالىستىرۋ ءۇشىن ايتا كەتەيىن،بۇل كورسەتكىش وتكەن  2018 جىلى 1,1 ترلن تەڭگە بولعان ەدى. ال 2016 جىلى بار بولعانى 918 ملرد تەڭگە بولاتىن، - دەدى اكىم.

بۇدان سوڭ وبلىس باسشىسى ءوڭىردىڭ دامۋىنا دا توقتالىپ ءوتتى.

سولتۇستىك قازاقستاندى كوبىسى اۋىل شارۋاشىلىعىمەن بايلانىستىرادى. شىن مانىندە سولاي، ءبىزدىڭ ەكونوميكانىڭ نەگىزى سالاسى. مۇندا ۇلكەن مۇمكىندىكتەر بار. بىرىنشىدەن، ءوڭىر اۋىل شارۋاشىلىعى ءونىمىن ءوندىرۋ بويىنشا كوشباسشىلاردىڭ ءبىرى. 3 جىلدا ءونىم كولەمى 1,3 ەسەگە -  411 ملرد تەڭگەدەن 580 ملرد تەڭگەگە دەيىن ارتتى. ەكونوميكادا اگروونەركاسىپ ىشكى جالپى ءونىمنىڭ تورتتەن ءبىرىن الىپ وتىر.  بىزدە ءوندىرۋ كولەمى قولدانۋعا قاراعاندا الدەقايدا جوعارى،- دەدى اكىم.

قۇمار اقساقالوۆتىڭ مالىمەتىنشە، كارتوپ 11 ەسەگە، جۇمىرتقا 10 ەسەگە، ماكارون ونىمدەرى 9 ەسەگە كوپ. جىلقى جانە سيىر ەتى، كوكونىس ءوندىرىسى 3 ەسەگە ارتقان.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1575
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2269
عيبىرات

قايسار رۋحتى عازيز جان

مۇحتار قۇل-مۇحاممەد 3584