سەيسەنبى, 27 قازان 2020
COVID-19 قازاقستاندا. جۇقتىرعاندار — 110542. جازىلعاندار — 105675. قايتىس بولعاندار — 1796
1147 1 پىكىر 2 جەلتوقسان, 2019 ساعات 11:00

اقش ناتو-نى قارجىلاندىرۋدى قىسقارتادى، گەرمانيا وسىرەدى

قۇراما شتاتتار ناتو-نى قارجىلاندىرۋدى 22-دەن 16 پروتسەنتكە دەيىن قىسقارتادى. بۇل جونىندە باتىس اقپارات قۇرالدارى دەرەككوزىنە سىلتەمە جاساپ حابارلاپ جاتىر.

گەرمانيا بولسا اسكەري وداقتىڭ بيۋدجەتىنە اقش-پەن تەڭ ەتىپ 16 پروتسەنت قۇيۋعا كەلىسكەن. بەرلين وسىعان دەيىن 14,8 پروتسەنت جارنا تولەپ كەلگەن.

AFP اگەنتتىگىنىڭ جازۋىنا قاراعاندا، ەۋروپالىق ەلدەردىڭ كوبى جارنا مولشەرىن كوبەيتۋگە كەلىسكەن. تەك فرانتسيا عانا بۇرىنعى دەڭگەيدە 10,5 پروتسەنت جارنا تولەيدى.

وسىعان دەيىن فرانتسيا پرەزيدەنتى اسكەري وداقتىڭ قىزمەتىن سىنعا الىپ، باق-قا بەرگەن سۇقباتىندا ناتو-دا "مي ءولىپ جاتىر" دەگەن بولاتىن.

ناتو-عا مۇشە 29 مەملەكەت 2018 جىلى اسكەري قاجەتتىلىككە دەپ ءبىر تريلليون دوللار جۇمساعان.

اقش پرەزيدەنتى ەۋروپا ەلدەرىن جارنانى از تولەيدى دەپ بىرنەشە رەت سىنعا العان.

3–4 جەلتوقساندا لوندوندا ناتو ليدەرلەرى باس قوسادى.

Abai.kz

1 پىكىر