بىزدە ەشبىر قازاق اتام 1960 جىلدارى بيزنەسمەن، ميلليونەر بولعان، سودان قالعان بيزنەستى دوڭگەلەتىپ ءجۇرمىن دەپ ايتا المايدى. 1991 جىلى تاۋەلسىزدىك العاندا ءبارىمىز الەمدىك دەڭگەيمەن سالىستىرعاندا تاقىر كەدەيدىڭ بالدارى بولدىق. ماكسيمۋم ايتاتىنىمىز اتام كولحوز باستىق بولعان. سوۆحوزدىڭ ديرەكتورى بولعان دەگەن سەكىلدى قاراپايىم نارسەلەر. ي تو ولاردان دا اۋىلداعى ءسال ءتاۋىر ۇيدەن باسقا مۇراعا قالعان دىم جوق. ەندى وسى كەدەيدىڭ ۇرپاقتارىنان تۇراتىن قوعامنان ءپرينتسيپشىل ساياساتكەرلەردىڭ شىعۋى دا وتە قيىن. مىسالى، ءبىر ساياساتكەر شىعىپ بەلگىلى دەڭگەيگە كەلسە ايىنا 10 ملن وبوروتى بار بيزنەستىڭ ورتاعى بولاسىڭ دەگەن ۇسىنىس تۇسسە جولدان تايۋى دا بەك مۇمكىن. قازاقستاندا ءاربىر ادامنىڭ وزىندىك قۇنى بار دەۋىم سودان.

قازاقستان جاعدايىندا وليگارحتار پارتيا قۇرىپ ساياساتقا ارالاسقاندا عانا ساياسي پارتيالاردان ءۇمىت كۇتۋگە بولادى. قازىر ۇلتتىق بۋرجۋازيا بىزدە از دا بولسا بار. بىراق ساياسي ينيتسياتيۆالارى جوق. ساياسي جاعداي دا وعان مۇرشا بەرمەيدى. بيلىكتىڭ ءبىر بۋىنى اۋىسقاندا بارىپ ساياسي جۇيەدە ءبىز كۇتكەن ساۋاتتى كونكۋرەنتسيا بولۋى مۇمكىن. ول دا ءوز جاعدايى وزىنە جەتەتىن ۇلتتىق بۋرجۋازيادان شىعۋى ءتيىس. تاقىر كەدەيدەن ءپرينتسيپشىل، جەمەيتىن، ىشپەيتىن ليدەر شىعۋى قيىن. ونىڭ دا ءوزى سەكىلدى كەدەي مىڭ سان تۋىسى، باۋىرى بار. ولارعا دا كومەك كەرەك. مەنتاليتەتىمىز دە جىبەرمەيدى. ءبىز قازاق حالقى ەشقاشان كاپيتاليزمەدە ءومىر ءسۇرىپ كورمەگەن ەلمىز. ال، كاپيتاليزمدە كاپيتاليستەر بيلەيدى. شىندىق وسى. بيلىككە كەلگىڭ كەلسە بيزنەسكە كەتىپ كاپيتال جيناۋدان باستاۋ قاجەت. ارىگە بارماي-اق 100 جىل بۇرىنعى قازاقتىڭ زيالىلارى دا بايدىڭ بالدارى بولعان.

باۋىرجان سەرىكبايدىڭ الەۋمەتتىك جەلىدەگى پاراقشاسىنان

Abai.kz