3. ەكونوميكالىق تۇرعىدان دا بۇل ۇلكەن شىعىن. لاتىن الىپبيىندە ءبىر، كيريلليتسادا ءبىر قۇجاتتار جاساپ، كىتاپتار باسۋ ەكى ەسە شىعىن بولماق.

4. ەكى ءالىپبيدىڭ بولۋى ورىس ءتىلىن كۇشەيتىپ، ورىس الەمىنە كۇش بەرەدى. سەبەبى قازىردىڭ وزىندە لاتىن الىپبيىنە نەگىزدەلگەن جۇيەگە كوشكىسى كەلمەي، ء"وي ورىس مەكتەبىنە بەرە سالامىز" دەيتىن جاندار كوبەيۋدە. اتا-اناسى كيريلليتسادا ءبىلىم العاندار، بالالارىن دا كيريلليتسامەن وقۋىن قالايدى. سەبەبى لاتىن ءالىپبيىن تۇسىنبەيمىز دەگەن جاڭساق پىكىر بار. ونىڭ ۇستىنە قوعامدا لاتىن ارپىنە نەگىزدەلگەن ءالىپبيدى لاتىن ءتىلى دەپ شاتاسىپ جۇرگەندەر دە كوپ.

5. ەكى ءالىپبيى بار ەل - ءتۇبى ەكىگە جارىلادى. بۇل ءوز قولىمىزبەن قازاق جەرىندە 38 پاراللەل جاساۋ عانا دەپ بىلەمىن.

مەن لاتىن ءالىپبيى جۇيەسىنە كوشۋدى قوس قولداپ قولدايمىن. كوشسەك تولىق كوشەيىك. 18 ملن قازاق ەلىنىڭ ازاماتى تولىق كوشۋگە مىندەتتى. سولتۇستىككە جالتاقتاپ، ەكى ءالىپبيدى قاتار الىپ جۇرەمىز دەۋ، ەكى كەمەنىڭ باسىن ۇستاپ، سۋعا كەتۋ. قازاقستان بۇل ماسەلەدە ساق بولۋى ءتيىس. ءبىر عانا دۇنيەنى ۇعۋ كەرەك: ءبىر ەل - ءبىر ءالىپبي!