سەنبى, 18 قاڭتار 2020
46 - ءسوز 1834 1 پىكىر 12 جەلتوقسان, 2019 ساعات 10:38

الكەي مارعۇلاننىڭ سۇلتانماحمۇت تۋرالى ەستەلىگى

الكەي مارعۇلاننىڭ ەستەلىگىنەن:

سۇلتانماحمۇت ەش ۋاقىتتا دا ءوز ايتقانىنان باسقاعا كونگىسى كەلمەيتىن. مەن بالا كەزىمدە سۇلتانماحمۇتتى ەكى رەت جولىقتىردىم. ۇزىن بويلى، قۇباشا جىگىت ەدى.

ءبىر جىلى جاز كۇنى، مەن ءالى كۇنى ۇمىتقانىم جوق، مەنىڭ اۋىل مەكتەبىندە وقىپ جۇرگەن بالا كۇنىم ەدى، ماحمۇتتى كورۋگە ءبىر كورشىلەس اۋىلعا باردىم. وندا ماحمۇتتىڭ مەنىمەن ءىسى جوق، تەك جينالعان حالىقتىڭ الدىندا يمپەرياليست سوعىس جايىندا ولارعا اڭگىمە ايتىپ وتىرعانىن كوردىم. ءبىر ۋاقىتتا ماحمۇت پەن ءبىز قارايتىن ەلدىڭ بولىسى ءوزىنىڭ شابارمانىنان حات جىبەرىپ، ء"بىزدىڭ ۇيگە كەلىپ، قالا جايىنان اڭگىمە ايتسىن" دەپ ماحمۇتتى شاقىرتىپتى. ماحمۇت حاتتى وقىپ بولعان سوڭ، بولىستىڭ شابارمانىنا اشۋلانىپ قارادى دا:

-مەن پوشتاي اۋىلىنا بارىپ ساۋىن ايتاتىن شاپقىنشى ەمەسپىن، اڭگىمە ىزدەگەن كىسى ءوزى كەلەر! — دەدى.

ماحمۇتتىڭ بۇل سياقتى ەركىن ءسوزى ول كەزدە جات بولاتىن. ماحمۇتتى تىڭداپ وتىرعان جۇرت قۋانارىن دا، قورقارىن دا بىلمەدى. بىراق ەسىكتەن شىعىپ بارا جاتقان بولىستىڭ شابارمانى ءوزىنىڭ ادەتىنشە:

-شوقپىتتىڭ بالاسى، بۇل دا كىسى بولعان ەكەن! — دەدى.

ماحمۇتتى ەڭ سوڭعى رەت 1919 جىلى كوردىم. وندا ماحمۇت اۋرۋدان ابدەن ارىقتاپ جۇدەگەن. مەن ول كەزدە اشىق ەش نارسەنى ايىرمايتىنمىن. وقۋعا تۇسە الماي، كەرەكۋدە ءماشھۇر-ءجۇسىپتىڭ امەن دەگەن بالاسىنىڭ ۇيىندە جاتىر ەدىم.

ءبىر كۇنى سۇلتانماحمۇت كەلدى. امەنمەن سويلەسىپ وتىر:

-ءۇمىت دەگەن نارسە قاشان دا بولسا ادامنىڭ سەرىگى عوي، مەن اۋرۋىمدى جازىپ، سەندەرمەن بىرگە قىزمەت ىستەگىم كەلەدى، — دەدى…

1940 جىل، 22 ماي.

اسەت اقمولدانىڭ الەۋمەتتىك جەلىدەگى پاراقشاسىنان

Abai.kz

1 پىكىر