تۇركيادا قىتايدىڭ شىڭجاڭ وڭىرىندە قازاق جانە وزگە دە از ۇلتتارعا جاسالىپ جاتقان قىسىمعا قارسى نارازىلىق شەرۋلەرى ءوتتى. الاڭعا جينالعان جۇرتىشلىق بەيجىڭ ساياساتىن ايىپتاپ، از ۇلتتارعا قىسىمدى توقتاتۋدى تالاپ ەتتى.

بۇعان دەيىن تەگى تۇرىك اتاقتى فۋتبولشى مەسۋت ءوزىل دە «تۆيتتەر» جەلىسىندەگى جەكە پاراقشاسىندا قىتاي ساياساتىن ايىپتاعان بولاتىن.

«ولار قۇراندى جويىپ جاتىر. ولار مەشىتتەردى جاۋىپ جاتىر. مەدرەسەلەرگە تىيىم سالۋدا. قۇدايشىلداردى بىرتىندەپ ولتىرۋدە. ەركەكتەردى كۇشتەپ لاگەرلەرگە جاۋىپ، ولاردىڭ وتباسىلارىن قىتاي ەركەكتەرىمەن الماستىرۋدا. قىزداردى كۇشتەپ قىتايلارعا كۇيەۋگە بەرىپ جاتىر»، دەپ جازعان ەدى ءوزىل.

ەڭ العاش قىتايداعى ساياسي ۇيرەتۋ لاگەرلەر تۋرالى اقپارات 2017 جىلى شىعا باستادى. رەسمي بەيجىڭ بۇل اقپاراتتاردى جوققا شىعاردى. 2018 جىلى بۇۇ شىڭجاڭدا ءبىر ميلليونعا جۋىق مۇسىلمانداردىڭ قاماۋدا وتىرعانىن مالىمدەگەن بولاتىن.

Abai.kz