مەملەكەت باسشىسى قاسىم-جومارت توقاەۆ الماتى ماڭىندا Bek Air ۇشاعىنىڭ قۇلاۋى كەزىندە قازا تاپقانداردىڭ وتباسىنا كوڭىل ايتتى. 

بۇل تۋرالى پرەزيدەنت Twitter جەلىسىندەگى جەكە پاراقشاسىندا جازدى.

- بۇگىن الماتى ماڭىنداعى جولاۋشىلار ۇشاعى اپاتىنان قازا تاپقان ادامداردىڭ تۋىستارى مەن جاقىندارىنىڭ قايعىلارىنا ورتاقتاسىپ، كوڭىل ايتامىن. زارداپ شەككەندەرگە كومەك كورسەتىلەدى. اپات سەبەبىن انىقتاۋ ءۇشىن ارنايى ۇكىمەتتىك كوميسسيا قۇرىلدى. كىنالىلەر زاڭعا سايكەس قاتاڭ جازالانادى، - دەپ جازدى مەملەكەت باسشىسى.

ايتا كەتەيىك، بۇگىن Bek Air اۋە كومپانياسىنىڭ الماتى - نۇر-سۇلتان باعىتىنداعى رەيسى الماتى قالاسى ماڭىندا اپاتقا ۇشىراپ، سالدارىنان 12 ادام كوز جۇمىپ، 12 ادام جاراقات العان.

Abai.kz