قر ۇقك تەرگەۋى جاكىشەۆتى اقمولا گارنيزونىنىڭ اسكەري سوتىمەن قاماۋعا الۋعا رۇقسات بەرىلگەنى تۋرالى اقپاراتتى راستادى
الماتى. 22 ماۋسىم. قازتاگ - ديليارام اركين. «قازاتومونەركاسىپ» ۇاك» اق ەكس-باسشىسى مۇحتار جاكىشەۆتى قاماۋعا الۋعا اقمولا گارنيزونىنىڭ اسكەري سوتى رۇقسات بەردى. بۇل اقپاراتتى قازتاگ تىلشىسىنە قر ۇقك تەرگەۋ دەپارتامەنتىنىڭ باستىعى ابلايحان عابباسوۆ راستادى.
«يا، قاماۋعا الۋ تۋرالى سانكتسيانى اسكەري سوت بەردى»،- دەدى ول.
بۇل دەگەنىڭىز م. جاكىشەۆكە قاتىستى ۇقك تەرگەۋىمەن مۇمكىن «وتانىن ساتقان» دەگەن تاعى ءبىر قىدمىستىق ءىس اشىلۋىن اڭعارتا ما؟ - دەگەن اگەنتتىك ءتىلشىسىنىڭ ساۋالىنا، ا. عابباسوۆ: «جوق، وعان تەك قر جالپى قىلمىستىق باپتارى بويىنشا ايىپ تاعىلىپ وتىر، ياعني باسقانىڭ مۇلكىن تالان-تاراجعا سالۋ بويىنشا»، - دەگەن تۇسىنىك بەردى.
بۇل رەتتە ا. عابباسوۆ سوت پروتسەسى ءباسپاسوز ءۇشىن اشىق بولا ما، جابىق بولا ما – ول تەك سوتتىڭ ءوزىنىڭ ايرىقشا قۇقىعىندا بولاتىنىن اتاپ ءوتتى.
«قۇپيا تاڭباسى بار ماتەريالداردى قاراعان كەزدە سوت وتىرىسىنىڭ جابىق تارتىپكە كوشۋ قۇقىعى بار. ەگەر وندا اشىق مالىمەتتەر بولسا، وندا وتىرىس تا اشىق بولادى. كەز كەلگەن جاعدايدا مۇنىڭ ءبارىن تەك سوت شەشەدى»، - دەپ تۇسىندىرە كەلىپ ول، م. جاكىشەۆكە قاتىستى سوت پروتسەسى قانداي سوتتا وتەدى – اسكەري مە، الدە ازاماتتىق سوتتا ما، ول جاعىن ناقىتالمادى.
الماتى. 22 ماۋسىم. قازتاگ - ديليارام اركين. «قازاتومونەركاسىپ» ۇاك» اق ەكس-باسشىسى مۇحتار جاكىشەۆتى قاماۋعا الۋعا اقمولا گارنيزونىنىڭ اسكەري سوتى رۇقسات بەردى. بۇل اقپاراتتى قازتاگ تىلشىسىنە قر ۇقك تەرگەۋ دەپارتامەنتىنىڭ باستىعى ابلايحان عابباسوۆ راستادى.
«يا، قاماۋعا الۋ تۋرالى سانكتسيانى اسكەري سوت بەردى»،- دەدى ول.
بۇل دەگەنىڭىز م. جاكىشەۆكە قاتىستى ۇقك تەرگەۋىمەن مۇمكىن «وتانىن ساتقان» دەگەن تاعى ءبىر قىدمىستىق ءىس اشىلۋىن اڭعارتا ما؟ - دەگەن اگەنتتىك ءتىلشىسىنىڭ ساۋالىنا، ا. عابباسوۆ: «جوق، وعان تەك قر جالپى قىلمىستىق باپتارى بويىنشا ايىپ تاعىلىپ وتىر، ياعني باسقانىڭ مۇلكىن تالان-تاراجعا سالۋ بويىنشا»، - دەگەن تۇسىنىك بەردى.
بۇل رەتتە ا. عابباسوۆ سوت پروتسەسى ءباسپاسوز ءۇشىن اشىق بولا ما، جابىق بولا ما – ول تەك سوتتىڭ ءوزىنىڭ ايرىقشا قۇقىعىندا بولاتىنىن اتاپ ءوتتى.
«قۇپيا تاڭباسى بار ماتەريالداردى قاراعان كەزدە سوت وتىرىسىنىڭ جابىق تارتىپكە كوشۋ قۇقىعى بار. ەگەر وندا اشىق مالىمەتتەر بولسا، وندا وتىرىس تا اشىق بولادى. كەز كەلگەن جاعدايدا مۇنىڭ ءبارىن تەك سوت شەشەدى»، - دەپ تۇسىندىرە كەلىپ ول، م. جاكىشەۆكە قاتىستى سوت پروتسەسى قانداي سوتتا وتەدى – اسكەري مە، الدە ازاماتتىق سوتتا ما، ول جاعىن ناقىتالمادى.
وسى قىلمىستىق ءىس بويىنشا «قازاتومونەركاسىپتىڭ» قازىرگى باسشىسى ۆلاديمير شكولنيكتەن جاۋاپ الىندى ما؟ - دەگەن ساۋالعا ا. عابباسوۆ ەشقانداي جاۋاپ قايتارمادى. سەبەبى ۇلتتىق كومپانيانىڭ زاڭي دەپارتامەنت باستىعىنىڭ ورىنباسارى اسىلحان دۇيسەنبيننىڭ ايتۋىنشا، بۇرىندارى ۇلتتىق كومپانيانى قامقورىندا ۇستاعان مينيسترلىكتى باسقارعان ۆلاديمير شكولنيك تە ۋران كەنىشتەرىن ساۋداعا سالعانى ءۇشىن جاۋاپكەرشىلىككە تارتىلۋى ءتيىس كورىنەدى.
«ازىرگە تەرگەۋ ءجۇرىپ جاتىر، سوندىقتان بۇل تۋرالى ەشقانداي تۇسىنىكتەمە بەرە المايمىز. مەنىڭ بۇل تۋرالى سىزگە ايتۋعا قۇزىرەتىم جوق»، - دەپ قوستى ول.
بۇل رەتتە قر ۇقك تەرگەۋ دەپارتامەنتىنىڭ باستىعى م. جاكىشەۆكە ادۆوكاتتاردىڭ ارالاسۋىنا ەش كەدەرگىلەر جوق ەكەنىن اتاپ ءوتتى.
«بىزدە مەملەكەتتىك قۇپيالارعا جىبەرىلۋدى راسىمدەۋدى قاجەت ەتەتىن زاڭ بار. ال ولاردا (م. جاكىشەۆتىڭ ادۆوكاتتارىندا – قازتاگ) ونداي رۇقساتتارى جوق. ونى ءبىز ەمەس، ولاردىڭ وزدەرى راسىمدەۋ كەرەك»، - دەپ ءتۇسىندىردى ا. عابباسوۆ.
قازتاگ ءتىلشىسىنىڭ، م. جاكىشەۆ ۇقك ۇسىنعان الدىڭعى ادۆوكاتى ونىڭ مۇددەسىن قورعاۋدان باس تارتقانى سەبەپتى قازىرگى ۋاقىتتا زاڭي قورعاۋشىسىنسىز قالعانى راس پا؟ - دەگەن ساۋالىنا ا. عابباسوۆ: «ونداي اقپارتتان حابارسىز ەكەنىن» ايتتى.
«كەز كەلگەن جاعدايدا م. جاكىشەۆكە زاڭي قورعاۋ قامتاماسىز ەتىلەدى»، - دەپ ءتۇسىندىردى ول.
بۇل رەتتە ا. عابباسوۆ م. جاكىشەۆكە قاتىستى قر ۇقك سيزو-سىندا قيناۋ بولعانى تۋرالى الىپ قاشپا اڭگىمەنى تەرىسكە شىعاردى.
«فيزيكالىق نە پسيحيكالىق سيپاتاعى ەشقانداي قيناۋ بولعان جوق. بۇل كونتسلاگەر ەمەس قوي. كۇدىكتىگە دارىگەرلەر جىبەرىلگەن. ول بارلىق قاجەت مەديتسينالىق ءدارى-دارمەكتەرمەن قامتاماسىز ەتىلگەن»، - دەپ ءتۇسىندىردى ول.
الدىن حابارلانعانداي، 21 مامىردا ۇقك-ءى «قازاتومونەركاسىپتىڭ» ەكس-باسشىسى م. جاكىشەۆتى قاماۋعا الدى. ول جانە ۇلتتىق كومپانيانىڭ بىرقاتار لاۋازىم يەلەرى اسا ءىرى مولشەردە جىمقىرۋشىلىق جاساعان دەپ كۇدىكتەلىنەدى. ولارعا قاتىستى ۇقك قىلمىستىق ءىس قوزعاپ تەرگەۋ جۇمىتارى جۇرگىزىلىپ جاتىر. م. جاكىشەۆتىڭ ءوزى قىلمىسىن مويىندامادى.
ءدال سول كۇنى م. جاكىشەۆ باس پروكۋروردىڭ ۇسىنىسىمەن جانە «سامۇرىق-قازىنا» باسقارما شەشىمىمەن «قازاتومونەركاسىپ» باسشىسى قىزمەتىنەن بوساتىلدى.
