قوردايداعى قازاق-دۇنگەن قاقتىعىسى كەزىندە شەكارا اسىپ، قىرعىز پانالاعان جۇرتتىڭ قاراسى كوبەيگەنىن اقپارات قۇرالدارى ايتتى، جازدى.

بۇگىن ۇكىمەت وتىرىسىندا جامبىل وبلىسىنىڭ سۋ جاڭا اكىمى بەردىبەك ساپارباەۆ وڭىردەگى جاعدايدىڭ جاي-جاپسارىن بايانداپ، اقپار ايتىپتى.

"سوڭعى ءۇش كۇندە كوپتەگەن ازاماتىمىز قىرعىزستانعا قاشتى. سوڭعى ەكى كۇندە 8 مىڭ ازامات ورالدى. كەشەدەن بەرى بارلىق مەكتەپتەر مەن بالاباقشالار شتات رەجيمىندە جۇمىس ىستەپ جاتىر. ساۋدا ورتالىقتارى جۇمىس ىستەپ جاتىر", - دەيدى ساپارباەۆ ۇكىمەت وتىرىسىندا.

ءبىر قىزىعى وسىعان دەيىن شەكارا اسىپ، قىرعىزستانعا بارعاندار سانى 4 مىڭ ادام دەگەن اقپار تاراعان. قىرعىزستاننىڭ 24.kg سايتى جازدى.

09.02.2020 جىل. 24.kg سايتى:

كەشە قازاق-قىرعىز شەكاراسىنىڭ "كەڭ-بۇلىن اۆتوجولدارى" وتكىزۋ پۋنكتىنەن 4 مىڭعا جۋىق ادام وتكەن. مۇنداي اقپارات باق-تا جاريالاندى. ال قىرعىزستاننىڭ شەكارا قىزمەتى ناقتى اقپارات بەرگەن جوق.

توكموك قالالىق كەڭەسىنىڭ دەپۋتاتى يۋسۋپ ۆانشتىڭ ايتۋىنشا، 7 اقپاندا قاقتىعىس بولعان قازاقستاننىڭ اۋىلدارىنان جۇرت قىرعىزستانداعى تۋىستارىنا كەلىپ جاتىر. ولار قىرعىزستانداعى دۇنگەن دياسپورالارىنا ۋاقىتشا كەلۋدە. سەبەبى، ولاردىڭ ۇيلەرى ورتەنگەن جانە تۇراتىن جەرلەرى جوق.

قىرعىزستاننىڭ مەملەكەتتىك شەكارا قىزمەتى وسىعان دەيىن قازاقستاننان قاشىپ كەلىپ جاتقانداردىڭ اراسىندا كورونوۆيرۋس بەلگىلەرى بار-جوعىن ارنايى قۇرىلعىلارمەن (تەپلوۆيزور) تەكسەرىپ جاتقانىن، كەلۋشىلەردىڭ دەنى ايەلدەر، قارت كىسىلەر مەن بالالار ەكەنىن ايتقان.

ال ماسانشىداعى قاقتىعىستان كەيىن توكموك قالالىق اۋرۋحاناسىنا 18 ادام كەلىپ، دارىگەرلىك كومەككە جۇگىنگەن. ولاردىڭ 1-ەۋى قىرعىزستان، ال 17-ءى قازاقستان ازاماتتارى.

بۇل قىرعىز اقپاراتى. ايتپاقشى، وسىعان دەيىن بەردىبەك ساپارباەۆ سورتوبە اۋىلىندا بريفينگ وتكىزىپ، سول جيىندا الاتاۋ اسىپ، قىرعىز قاشقانداردىڭ سانى 24 مىڭ ادام بولعانىن ايتقان.

"بۇگىن تاڭەرتەڭ اۋحاتتى، قاراسۋ وتكىزۋ بەكەتتەرىندە بولدىق. وتكىزۋ بويىنشا ەشقانداي شەكتەۋلەر جوق. قازىرگى ۋاقىتتا ول جاققا (قىرعىزستانعا) 24 مىڭ ادام كوشكەن. كەشەگى كۇننەن باستاپ اقساقالدار، ايەلدەر، جاستار قايتىپ كەلە باستادى", - دەگەن ەدى ساپارباەۆ.

تاقىرىپقا تۇزدىق رەتىندە ايتايىق. قازاق-دۇنگەن اراسىنداعى شەتىن وقيعا ورىن العان بىرنەشە اۋىلدىڭ اتى اتالادى. سولاردىڭ ەڭ باستىسى - ماسانچي اۋىلى (ماسانشى). ءبىز ينتەرنەتتەگى اشىق دەرەككوزدەردەن اتالعان اۋىلدارداعى جان سانىن نازارلارىڭىزعا ۇسىنعاندى ءجون كوردىك.

ماسانچي اۋىلى.

جامبىل وبلىسى، قورداي اۋدانىنداعى اۋىل. 2009 جىلعى حالىق ساناعى بويىنشا 13 609 ادام. قازىرگى ۋاقتا حالىق سانى 20 مىڭعا جۋىقتاعان.

قۇرامى: 90 پايىزى دۇنگەندەر. 5 پايىزى قازاقتار جانە 5 پايىزى ورىستار.

شەتىن وقيعا بولعان اۋىل دا وسى - ماسانچي. ال اقپاراتتاردا جاپپاي توبەلەس كەزىندە بىرنەشە اۋىل زارداپ شەكتى دەپ ايتىلادى. ولار: سورتوبە، اۋقاتتى، قاراكەمەر جانە بۇلار باتىر اۋىلدارى.

سورتوبە اۋىلى.

جامبىل وبلىسى، قورداي اۋدانىنداعى اۋىل. 2009 جىلعى حالىق ساناعى بويىنشا 14 646 ادام.

قاراكەمەر اۋىلى. 

جامبىل وبلىسى، قورداي اۋدانىنداعى اۋىل. 2009 جىلعى حالىق ساناعى بويىنشا 2982 ادام.

بۇلار باتىر اۋىلى.

جامبىل وبلىسى، قورداي اۋدانىنداعى اۋىل. سورتوبە اۋىلدىق وكرۋگىنىڭ قۇرامىنا كىرەدى. 2009 جىلعى حالىق ساناعى بويىنشا 2537 ادام.

اۋقاتتى اۋىلى.

جامبىل وبلىسى، قورداي اۋدانىنداعى اۋىل. 2009 جىلعى حالىق ساناعى بويىنشا 5880 ادام.

ارينە، اتالعان اۋىلداردا جان سانى بۇل كورسەتكىشتەردەن ەداۋىر وسكەن دە بولۋى كەرەك. تۋ بار. ءولىم-ءجىتىم بار ت.ب. بەيرەسمي ستاتيستيكانىڭ ءارتۇرلى بولۋىنا بايلانىستى رەسمي اقپاراتتاعى ساندارعا جۇگىندىك.

اتالعان بەس اۋىلدىڭ حالقىن قوسا ەسەپتەگەندە 46 مىڭنان اساتىن ادام ەكەن. رەسمي اقپارات بويىنشا 24 ادام كوشىپ كەتكەنى راس بولسا، بەس اۋىلدىڭ جالپى حالقىنىڭ تەڭ جارىمىسى شەكارا اسىپ كەتكەنى مە؟

قىرعىز اقپاراتى قازاقتان قاشىپ، باس ساۋعالاپ كەلگەندەردىڭ سانى 24 مىڭ دەگەندى ايتا قويعان جوق. ال قازاقستاندىق اقپاراتتار 4 مىڭ مەن 4,5 مىڭ دەگەن سانداردى جازعان.

ءبىر قىزىعى 24 مىڭ ادام قازاقستاننان قاشىپ، قىرعىزستانعا ءوتىپ كەتتى دەگەندە ورىس اقپاراتى، ءورىستىلدى اقپارات الاقايلاپ تاراتىپتى.

ال الەۋمەتتىك جەلىدە جۇرت 4 مىڭ ادامنىڭ شەكارادان شىعىپ كەتكەنىن ، ورالعاندا 8 مىڭ بولعانىن ايتىپ جاتىر.

مەرەي قارت:

ساۋلە ابىلداحانقىزى:

وڭعار قابدەن:

قۋاندىق شاماحايۇلى:

Abai.kz