بۇگىن وبلىستىق قوعامدىق كەڭەس الدىندا وبلىس اكىمى قۋانىشبەك ىسقاقوۆ ەسەپ بەردى.

بەيرەسمي جۇمىسپەن قامتىلعاندار جۇمىسسىزدىق دەڭگەيىن تومەندەتۋگە كەرى اسەر ەتىپ وتىر. قىزىلوردا وبلىسىندا وتكەن جىلى جۇمىسسىزدىق دەڭگەيى 4,7 پايىزعا تومەندەگەن.

جەرگىلىكتى بيلىك كاسىپورىنداردا قىزمەتكەرلەردى جاپپاي قىسقارتۋلاردى بولدىرماۋعا  جانە بۇل كورسەتكىشتى بىرنەشە جىل قاتارىنان 4,8 پايىزبەن ورتا رەسپۋبليكالىق كورسەتكىشتەن اسىرماۋعا ناقتى جۇمىس جاساعان.

قابىلدانعان جۇيەلى شارالاردىڭ ناتيجەسىندە سوڭعى  3 جىلدا جۇمىس جاساپ تۇرعان كاسىپكەرلىك سۋبەكتىلەرىنىڭ سانى 24 پايىزعا، شاعىن جانە ورتا بيزنەستە جۇمىسپەن قامتىلعانداردىڭ سانى – 7,5 پايىزعا، ال، سالىق تۇسىمدەرىنىڭ كولەمى تەك سوڭعى جىلدىڭ وزىندە شامامەن 11 پايىزعا ارتقان.

وبلىستىق قوعامدىق كەڭەس الدىندا ەسەپ بەرگەن ايماق باسشىسى قۋانىشبەك ىسقاقوۆ شاعىن جانە ورتا كاسىپكەرلىك سۋبەكتىلەرىمەن وندىرىلگەن ءونىم كولەمىنىڭ ۇلەسى تومەن دەڭدەيدە ەكەنىن اتاپ ءوتتى.

"پرەزيدەنتتىڭ تاپسىرماسىنا سايكەس، شاعىن جانە ورتا بيزنەستىڭ  ءوڭىردىڭ وندىرىلگەن ونىمدەگى ۇلەسى 2025 جىلى  35 پايىز بولۋى ءتيىس.  ال بىزدە، وتكەن جىلدىڭ 9 ايى بويىنشا 16,5 پايىز عانا.

مۇنىمەن قوسا بەيرەسمي جۇمىسپەن قامتىلعاندار جۇمىسسىزدىق دەڭگەيىن تومەندەتۋگە، سالىق ءتۇسىمىن ارتتىرۋعا كەرى اسەر ەتىپ وتىر. ەندىگى ءبىر، ماسەلە، ول بەيرەسمي جۇمىسپەن قامتىلعانداردى زاڭداستىرۋ،  راسىمدەپ،  تىركەۋگە الۋ",- دەدى وبلىس اكىمى قۋانىشبەك ىسقاقوۆ.

Abai.kz