جۇما, 29 ناۋرىز 2024
46 - ءسوز 2528 0 پىكىر 17 اقپان, 2020 ساعات 11:52

ارحيۆتەردىڭ قىزمەت كورسەتۋ تاريفتەرى تىم جوعارى

وتكەن عاسىردىڭ توقسانىنشى جىلدارىنداعى ەكونوميكالىق داعدارىس كەزىندە كوپتەگەن شارۋاشىلىق قۇرىلىمدارى ءوز جۇمىسىن توقتاتقان كەزدە جۇمىسكەرلەردىڭ جالاقىسى تۋرالى قۇجاتتاردى جەرگىلىكتى ارحيۆتەرگە تاپسىرعان جوق. سونىڭ سالدارىنان كوپتەگەن ادام جيناقتاۋشى زەينەتاقى جۇيەسى ەنگىزىلگەن 1998 جىلعا دەيىنگى ەڭبەك ءوتىلىن راستاي الماي، ماردىمسىز زەينەتاقى الۋعا ءماجبۇر بولدى.

زامان وزگەرىپ، تسيفرلاندىرۋ كەزەڭىنە اياق باسقانىمىزبەن، ارحيۆتەر قىزمەتىنءىڭ ماڭىزى ەش كەمىمەيدى. ويتكەنى، تسيفرلىق تەحنولوگيالار قۇندى قۇجاتتاردىڭ جوعالماي ساقتالۋىنا تولىق كەپىلدىك بەرمەيدى.

ءبىز جۋىردا «Nur Otan» پارتياسىنىڭ وڭىرلىك فيليالدارىندا قوعامدىق قابىلداۋ وتكىزگەنىمىزدە ءارتۇرلى سەبەپتەرمەن ءوز جۇمىستارىن توقتاتۋعا تۋرا كەلگەن كاسىپكەرلەر تۇراقتى ساقتاۋعا جاتاتىن قۇجاتتاردى، سونىڭ ىشىندە جۇمىسكەرلەردىڭ جەكە ىستەرى، ەڭبەك شارتتارى جانە جالاقىلارى تۋرالى قۇجاتتاردى دا مەملەكەتتىك ارحيۆتەرگە وتكىزە الماي وتىرعاندىقتارىن ايتتى. سەبەبى ارحيۆتەردىڭ قىزمەت كورسەتۋ تاريفتەرى تىم جوعارى. ماسەلەن، پەتروپاۆل قالاسىنىڭ ءبىر نوتاريۋسى تۇراقتى ساقتاۋعا جاتاتىن قۇجاتتارىن قابىلداپ الۋ ءۇشىن جەرگىلىكتى ارحيۆ 300 مىڭ تەڭگەدەن استام اقى تولەۋدى تالاپ ەتكەندىگىن مالىمدەدى. سونىڭ ىشىندە، ارحيۆ قورىنا تاپسىرىلاتىن ىسكە تاريحي انىقتاما جاساۋ، تىزىمدەمەگە العىسوز جازۋ ءۇشىن 30 مىڭ – 50 مىڭ تەڭگە ارالىعىندا اقى سۇرالعان بولىپ شىقتى.

ارينە، ەلىمىزدىڭ مەملەكەتتىك ارحيۆ مەكەمەلەرىنىڭ اقىلى قىزمەت كورسەتىپ، قوسىمشا كىرىس تۇسىرۋگە جانە سونىڭ ەسەبىنەن ارحيۆشىلەردى ماتەريالدىق ىنتالاندىرۋعا تىرىساتىندىعىن تۇسىنۋگە بولادى. ويتكەنى، ارحيۆ قىزمەتكەرلەرىنىڭ جالاقىسى ءالى دە تومەن ەكەندىگى بەلگىلى. الايدا، مەملەكەتتىك ارحيۆ مەكەمەلەرىنىڭ وزدەرى كورسەتەتىن قىزمەتتەرى ءۇشىن كاسىپكەرلەردەن شامادان تىس اقى تالاپ ەتۋىمەن دە كەلىسۋ قيىن. ال جۇمىسكەرلەردىڭ جەكە ىستەرى، ەڭبەك شارتتارى جانە جالاقىلارى تۋرالى قۇجاتتاردىڭ ارحيۆكە قابىلدانباۋى الداعى ۋاقىتتا تەرىس الەۋمەتتىك سالدارعا اكەلىپ سوعۋى ىقتيمال ەكەندىگىن ەسكەرمەي بولمايدى.

وسىعان وراي بۇگىن مادەنيەت جانە سپورت ءمينيسترى اقتوتى رايىمقۇلوۆانىڭ اتىنا حات جازىپ، مەملەكەتتىك ارحيۆتەردىڭ اقىلى قىزمەت تاريفتەرىن قايتادان قاراۋ، سونىڭ ىشىندە جۇمىسكەرلەردىڭ جەكە ىستەرى، ەڭبەك شارتتارى جانە جالاقىلارى تۋرالى قۇجاتتاردى بارىنشا ارزانداتىلعان باعامەن نەمەسە تەگىن قابىلداۋ مۇمكىندىگىن قاراستىرۋىن سۇرادىم.

كارىباي مۇسىرماننىڭ الەۋمەتتىك جەلىدەگى جازباسىنان

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1575
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2268
عيبىرات

قايسار رۋحتى عازيز جان

مۇحتار قۇل-مۇحاممەد 3577