قازاق قىزى...

الاشتىڭ ارۋلارى قاي زاماندا دا - ۇلتتىڭ ۇياتى. انانىڭ ارعى تەگى - قىز. دەمەك، شەكەسى تورسىقتاي ۇلدى دۇنيەگە اكەلىپ، ول ەرتجەتكەن سوڭ قازاقتى ورگە سۇيرەپ، ىستىعىنا كۇيىپ، سۋىعىنا توڭىپ، «ەلىم» دەپ ەڭىرەپ وتسە، ول قازاق اناسىنىڭ، قىزىنىڭ ەڭبەگى. بىزگە ءمالىم تاريحتا سولاي بولعاندا. سولاي بولا بەرەدى دە.

قولاڭ شاشى تىرسەگىنە تۇسكەن سۇڭعاق بويلى سۇلۋلار (سۋرەتتە) بۇگىنگى قازاق قىزدارى. ءبۇتىن ۇلتتىڭ ارى مەن ۇياتىن، ءداستۇرى مەن سالتىن بويىنا ءسىڭىرىپ، قولاڭ شاشىنا قايشى تيگىزبەي وسكەن بويجەتكەندەر - ۇلتتىق بوياۋى قانىق بولاشاقتىڭ بەلگىسى.

«زامانىنا قاراي ادامى». الايدا، الماعايىپ ۋاقىت بولسا دا اتا جولىنان، انا داستۇرىنەن بەزىنبەي ونى جاڭا زاماندا دا بويىڭا قوندىرىپ، ساناڭدا ساقتاپ، كەلەشەك ءۇرىم-بۇتاعىڭا تابىستاۋعا بولاتىنىن قولاڭ شاشىن قاسيەتى ساناپ، قادىرىن قاشىرماي جۇرگەن سۋرەتتەگى قىزدار ايعاقتاپ تۇرعانداي.

التىن باستى ەرىن سىيلاپ وسكەن ەلدىڭ تالاي قىزىنىڭ وعاش قىلىعى كوبەيگەن كەزدە شىلىم شەگىپ شىرەنىپ، القام-سالقام كيىنىپ، كىندىگىن كۇنگە سۇيگىزىپ جۇرگەن بيكەشتەر قولاڭ شاش زامانداستارىنان ۇلگى السا دەيسىڭ. ءاي، بىراق...

سوڭعى جىلدارى قازاق قىزىنىڭ بەينەسىن دە، ساناسىندا وزگەرتكەن تەرىس پيعىلدى ءدىني اعىمداردىڭ كەسىرىنەن قازاق قىزدارى حيدجاب كيىپ ورانىپ، نيحاب كيىپ تۇمشالانۋدى شىعاردى. بۇعان دەيىن قازاق مۇسىلمان بولماعانداي، انالارىمىز جاۋلىق سالماعانداي.

قازاق قىزى...

الاشتىڭ ارۋلارى قاي زاماندا دا - ۇلتتىڭ ۇياتى. انانىڭ ارعى تەگى - قىز. دەمەك، شەكەسى تورسىقتاي ۇلدى دۇنيەگە اكەلىپ، ول ەرتجەتكەن سوڭ قازاقتى ورگە سۇيرەپ، ىستىعىنا كۇيىپ، سۋىعىنا توڭىپ، «ەلىم» دەپ ەڭىرەپ وتسە، ول قازاق اناسىنىڭ، قىزىنىڭ ەڭبەگى. بىزگە ءمالىم تاريحتا سولاي بولعاندا. سولاي بولا بەرەدى دە.

قولاڭ شاشى تىرسەگىنە تۇسكەن سۇڭعاق بويلى سۇلۋلار (سۋرەتتە) بۇگىنگى قازاق قىزدارى. ءبۇتىن ۇلتتىڭ ارى مەن ۇياتىن، ءداستۇرى مەن سالتىن بويىنا ءسىڭىرىپ، قولاڭ شاشىنا قايشى تيگىزبەي وسكەن بويجەتكەندەر - ۇلتتىق بوياۋى قانىق بولاشاقتىڭ بەلگىسى.

«زامانىنا قاراي ادامى». الايدا، الماعايىپ ۋاقىت بولسا دا اتا جولىنان، انا داستۇرىنەن بەزىنبەي ونى جاڭا زاماندا دا بويىڭا قوندىرىپ، ساناڭدا ساقتاپ، كەلەشەك ءۇرىم-بۇتاعىڭا تابىستاۋعا بولاتىنىن قولاڭ شاشىن قاسيەتى ساناپ، قادىرىن قاشىرماي جۇرگەن سۋرەتتەگى قىزدار ايعاقتاپ تۇرعانداي.

التىن باستى ەرىن سىيلاپ وسكەن ەلدىڭ تالاي قىزىنىڭ وعاش قىلىعى كوبەيگەن كەزدە شىلىم شەگىپ شىرەنىپ، القام-سالقام كيىنىپ، كىندىگىن كۇنگە سۇيگىزىپ جۇرگەن بيكەشتەر قولاڭ شاش زامانداستارىنان ۇلگى السا دەيسىڭ. ءاي، بىراق...

سوڭعى جىلدارى قازاق قىزىنىڭ بەينەسىن دە، ساناسىندا وزگەرتكەن تەرىس پيعىلدى ءدىني اعىمداردىڭ كەسىرىنەن قازاق قىزدارى حيدجاب كيىپ ورانىپ، نيحاب كيىپ تۇمشالانۋدى شىعاردى. بۇعان دەيىن قازاق مۇسىلمان بولماعانداي، انالارىمىز جاۋلىق سالماعانداي.

حيجابقا قاراپ قالعان قازاق ارۋلارى دا ءبىر ساتكە قازاق انالارىنىڭ داستۇرىنە ۇڭىلسە، قولاڭ شاشىن قور كورمەي، قاسيەتىنە بالاپ «قازاقتىڭ قىزى دەگەن عاجاپ اتقا» لايىق ەكەنىن سەزىنسە، سوعان سەنسە دەيسىڭ. ءاي، بىراق...

«قۇرالاي كوز، قولاڭ شاش،

الما مويىن قيعاش قاس»، قايران دا قازاقتىڭ حاس سۇلۋلارى...

«اباي-اقپارات»

سۋرەتتە - 2007-ءنشى جىلى «اق بوساعا» گازەتى وتكىزگەن «قولاڭ شاش ارۋ» بايقاۋىنا قاتىسۋشى قىزدار. سۋرەتتەر facebook الەۋمەتتىك جەلىسىندە انسا مۇستافانىڭ جەكە پاراقشاسىنان الىندى.