سارسەنبى, 8 ءساۋىر 2020
COVID-19 قازاقستاندا. جۇقتىرعاندار — 697. جازىلعاندار — 51. قايتىس بولعاندار — 6
46 - ءسوز 5372 22 پىكىر 10 ناۋرىز, 2020 ساعات 12:20

مەملەكەتتىك تىلگە قاتىستى زاڭدى وزگەرتۋىمىز قاجەت

پرەزيدەنت ق. توقاەۆتىڭ مەملەكەتتىك تىلگە قاتىستى مالىمدەمەسى وتە وزەكتى ماسەلە. بۇكىل يدەولوگيانىڭ وزەگى ءتىل. قازاق ءتىلى ءىس جۇزىندە مەملەكەتتىك تىلگە اينالىپ، بۇكىل مەملەكەتتىك مەكەمەلەر، بارلىق قىزمەت بەرۋشى ورىندار، كوشەدەگى حالىق تا جاپپاي قازاق تىلىندە سويلەگەن كەزدە بارلىق ماسەلە ءوز ورنىنا جايعاسادى. ەشبىر ۇلتقا قازاق ءتىلىن ۇيرەنىڭدەر دەپ جالىنباس ەدىك.

مەملەكەت باسشىسى تىلگە قاتىستى بۇل مالىمدەمەسىن پرەزيدەنت بولىپ سايلانعاننان كەيىن دە ايتقان بولاتىن. دەمەك توقاەۆ ءتىل ماسەلەسىنىڭ كەزەك كۇتتىرمەي شەشىلۋى ءتيىس وزەكتى ماسەلە ەكەنىن ءتۇسىنىپ وتىر. بىراق وسىعان ۇقساس مالىمدەمەنى ن.نازارباەۆ تا بىرنەشە رەت جاساعان. الايدا 30 جىلدا مەملەكەتتىك ءتىل كەرى كەتپەسە، وڭالعان جوق. سوندىقتان ق. توقاەۆتىڭ بۇل مالىمدەمەسى قۇرعاق ۋادە بولىپ قالماس ءۇشىن ونى جۇزەگە اسىراتىن مەملەكەتتىك ستراتەگيالىق كەشەندى باعدارلاما قاجەت. ساياسي شەشىم قابىلدانسا، ول دا بولادى.

ەڭ اۋەلى مەملەكەتتىك تىلگە قاتىستى زاڭدى وزگەرتۋىمىز قاجەت. ولاي بولماعاندا، قازاق ءتىلىنىڭ ماسەلەسى تاعى دا ادەمى ءسوز كۇيىندە قالا بەرمەك.

قايرات جولدىبايۇلىنىڭ الەۋمەتتىك جەلىدەگى جازباسى

Abai.kz

22 پىكىر