مەملەكەت باسشىسى قاسىم-جومارت توقاەۆ قازاقستانداعى توتەنشە جاعدايدى ۇزارتۋ تۋرالى قاۋلىعا قول قويدى،- دەپ حابارلايدى akorda.kz

«قازاقستان رەسپۋبليكاسىندا توتەنشە جاعدايدى ەنگىزۋ تۋرالى» قازاقستان رەسپۋبليكاسى پرەزيدەنتىنىڭ 2020 جىلعى 15 ناۋرىزداعى № 285 جارلىعىمەن ەنگىزىلگەن قازاقستان رەسپۋبليكاسىنىڭ بارلىق اۋماعىنداعى توتەنشە جاعدايدىڭ قولدانىسى 2020 جىلعى 1 مامىرداعى 07 ساعات 00 مينۋتقا دەيىن ۇزارتىلسىن» دەلىنگەن حابارلامادا.

بۇعان دەيىن پرەزيدەنت كارانتين مەرزىمى ءساۋىردىڭ اياعىنا دەيىن سوزىلاتىنى تۋرالى مالىمدەگەن بولاتىن.

«ءبىز ءالى كوروناۆيرۋس ىندەتىنىڭ جاپپاي تارالۋ شەگىنىنەن وتكەن جوقپىز. ەپيدەميا جاعدايىندا باسەڭسۋگە بولمايدى. سوندىقتان استانا، الماتى مەن شىمكەنت قالالارىندا جانە وبلىستاردا كارانتين رەجيمىن ءساۋىردىڭ سوڭىنا دەيىن ۇزارتۋدى تاپسىرامىن.

بىلەمىن، بۇل شەشىم كوپكە ۇناي قويمايدى. سەبەبى، حالىق سىرتقا شىعىپ، بۇرىنعىداي قالىپتى ءومىر سۇرگىسى كەلەدى. بىراق، كارانتين ەرەجەسىن ساقتاعاننان باسقا امال جوق. بۇل وتاندىق جانە حالىقارالىق ۆيرۋسولوگتاردىڭ كەڭەسى", - دەگەن بولاتىن.

ايتا كەتەيىك، بۇگىندە سوڭعى مالىمەت بويىنشا قازاقستاندا كوروناۆيرۋس جۇقتىرعاندار سانى - 1179-عا جەتتى. 142 ادام جازىلىپ شىعىپ، 14 ادام قايتىس بولعان.

Abai.kz