قازاقستان بۇزىلعان سۋ قويماسىنا بايلانىستى وزبەكستانعا نارازىلىق نوتاسىن دايىندادى، - دەپ حابارلايدى Atameken Business.

بۇل تۋرالى ارناعا ەكسكليۋزيۆ سۇحبات بەرگەن ەكولوگيا، گەولوگيا جانە تابيعي رەسۋرستار ۆيتسە-ءمينيسترى سەرگەي گروموۆ ايتقان.

ۆيتسە-ءمينيستردىڭ ايتۋىنشا، وزبەكستاندىق تاراپ الىپ بوگەتتىڭ قۇرىلىسىن قازاقستاندىق تاراپپەن اقىلداسپاستان باستاپ كەتكەن. ال ترانسشەكارالىق نىسانداردىڭ بارلىعى حالىقارالىق ەرەجەگە ساي، ىرگەلەس جاتقان ەلمەن كەلىسسوز جۇرگىزۋ نەگىزىندە سالىنۋى كەرەك. وسىلايشا وزبەكستان تاراپى بىرىككەن ۇلتتار ۇيىمىنىڭ كونۆەنتسياسىن ورەسكەل بۇزعان دەيدى.

ەكى ەلگە ورتاق ەسەپپەن ايتساق، 276 مىڭ شارشى شاقىرىم اۋماقتى سۋ باسقان. ونىڭ 80 مىڭ شارشى شاقىرىمعا جۋىعى قازاقستانعا تيەسىلى.

ايتا كەتەيىك، توتەنشە جاعداي سالدارىنان 276 شارشى شاقىرىم اۋماقتى سۋ باستى. ونىڭ 76 شاقىرىمى قازاقستان اۋماعىنا تيەسىلى ەكەن.

ەسكە سالايىق، وزبەكستاندا 1 مامىردا بولعان جاڭبىر مەن داۋىلدان كەيىن سىرداريا وبلىسىنداعى ساردوبا سۋ قويماسى بوگەتتەرىنىڭ ءبىرى جارىلعان ەدى. كەيىن تۇركىستان وبلىسى ماقتاارال اۋدانىندا توتەنشە جاعداي جاريالاندى.

مەملەكەت باسشىسى قاسىم-جومارت توقاەۆ ساردوبا سۋ قويماسى بوگەتىنىڭ بۇزىلۋى سالدارىنان تۇركىستان وبلىسىنىڭ 10 اۋىلىن سۋ باسقانىن مالىمدەگەن.

Abai.kz