جۇرگىزۋشى دوسبول دالابەكوۆ ناۋرىز ايىندا جالاقىسىنان بولەك بانك كارتاسىنا 11 مىڭ تەڭگە تۇسكەنىن ايتىپ، "بۇل نە اقشا، ەگەر كوروناۆيرۋس ءۇشىن بەرىلگەن اقشا بولسا، بەرمەگەنى دۇرىس" دەدى.
ونىڭ ءسوزىن قوشتاعان فەلدشەرلەر بيلىكتەن نە سەبەپتى نۇر-سۇلتان قالاسىنداعى جەدەل جاردەمنىڭ كورونيۆيرۋسپەن جۇمىس ىستەگەن توبىنا مەملەكەت بولگەن ۇستەماقىنى تولىق كولەمدە العانىن، وزدەرىنىڭ قالىس قالعانىن ءتۇسىندىرۋدى تالاپ ەتتى. مەكەمەنىڭ اعا فەلدشەرى ايگۇل بەتەنباەۆا اۋىل فەلدشەرلەرىنىڭ ۇستەماقىنى قالاي الاتىنىن شەشىپ وتىرعان كوميسسيا وكىلدەرىنىڭ ارالارىنا كەلىپ بىرگە جۇمىس ىستەۋىن سۇرادى. ايتۋىنشا، ۇستەماقىنى ەسەپتەۋگە كەلگەندە جەرگىلىكتى بيلىك وزدەرىن كورونوۆيرۋستى تاسىعان ساعاتىن عانا ساناپ، ال وعان بارماعان فەلدشەرلەر مەن جۇرگىزۋشىلەردى تىزىمنەن شىعارىپ تاستاعان.
نارازى فەلدشەرلەر ء"بىزدى كوروناۆيرۋسپەن اۋىرعاندارمەن قاتىناستا بولمادى دەگەنمەن ءبىز ولاردى كۇندە تاسىمالداعان ارىپتەستەرىمىزبەن بىرگە كەزەكشىلىكتە ءجۇرمىز. قالاي ءبىزدى بايلانىستا بولعان جوق دەپ تىزىمگە ەنگىزبەيدى؟ بۇل ادىلەتسىزدىك. بىرەۋگە 146 تەڭگە عانا بەرگەن. بۇل نە مازاق؟" دەدى.
جەدەل جاردەم قىزمەتكەرلەرىمەن اقمولا وبلىستىق جەدەل جاردەم ستانساسىنىڭ باس دارىگەرى الەكساندر ۆىسوتسكي مەن تسەلينوگراد اۋدانى اكىمدىگى قىزمەتكەرلەرى كەزدەستى.
تسەلينوگراد اۋدانى اكىمىنىڭ ورىنباسارى الما ايتقوجينوۆا فەلدشەرلەرگە "جۇمىسقا كەلگەندە قانداي جالاقى الاتىنىن بىلدىڭىزدەر" دەپ سوگىپ، تاعى قوسىمشا بىرنەشە جۇمىس ىستەۋگە شاقىردى.
5 مامىردا دا اقمولا وبلىسى تسەلينوگراد اۋدانىنىڭ جەدەل جاردەم قىزمەتكەرلەرى بيلىكتەن قوسىمشا ۇستەماقى تالاپ ەتكەن ەدى. 6 مامىردا ولارعا قۇقىق قورعاۋ ورگاندارى ەسكەرتۋ جاساعان.
بۇل – جەدەل جاردەم قىزمەتكەرلەرىنىڭ ءبىرىنشى نارازىلىعى ەمەس. بۇعان دەيىن اقتوبە، نۇر-سۇلتان، اقتاۋ قالاسى جەدەل جاردەم قىزمەتكەرلەرى دە نارازىلىق ءبىلدىرىپ، بيلىكتەن پاندەميا كەزىندە قوسىمشا ۇستەماقى تالاپ ەتكەن.
30 ناۋرىزدا قازاقستان بيلىگى كوروناۆيرۋسپەن كۇرەسۋگە اتسالىسقان دارىگەرلەر جالاقىسىنا قىزمەتىنىڭ قاۋىپتىلىگىنە قاراي 212 مىڭ - 850 مىڭ تەڭگە ارالىعىندا ۇستەماقى قوسىلاتىنىن جاريالاعان.
Abai.kz
