دەنساۋلىق ساقتاۋ ءمينيسترى ەلجان ءبىرتانوۆ كوروناۆيرۋس جۇقتىرىپ، ەم قابىلداپ جاتقاندىقتان، ونىڭ قىزمەتىن ۋاقىتشا ۆيتسە-مينيستر ليازات اقتاەۆا اتقارادى.

بۇل تۋرالى مينيسترلىكتىڭ رەسمي وكىلى دياس احمەتشارىپ ايتتى.

- دەنساۋلىق ساقتاۋ ءمينيسترىنىڭ مىندەتتەرىن ۋاقىتشا ۆيتسە-مينيستر ليازات اقتاەۆا اتقارادى، - دەدى احمەتشارىپ.

ەلجان ءبىرتانوۆ 14 ماۋسىمدا ىندەت جۇقتىرعانىن مالىمدەدى. قازىرگى ۋاقىتتا ول نۇر-سۇلتانداعى ستاتسيوناردا جاتىر ەكەن.

- دەنساۋلىق ساقتاۋ ءمينيسترىنىڭ جاعدايى ورتاشا دەپ باعالانىپ وتىر. وعان قويىلعان دياگنوز - پنەۆمونيا. قازىرگى ۋاقىتتا حاتتاماعا ساي ەم الىپ جاتىر. ستاتسيوناردا ەم الىپ جاتقانىنا قاراماستان، مينيستر كوروناۆيرۋس ينفەكتسياسى شتابىنىڭ جۇمىسىن ونلاين تۇردە رەتتەپ جاتىر، - دەگەن ەدى دياس احمەتشارىپ.

Abai.kz