قازاقستانداعى جۇمىسسىزدىق دەڭگەيى 2021 جىلى 4,8% قۇرايدى. بۇل تۋرالى  LS سايتى جازعان. 

«ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ «ەڭبەك» مەملەكەتتىك باعدارلاماسىن ىسكە اسىرۋعا ارنالعان بيۋدجەتتىك قۇجاتقا سايكەس، 2021-2023 ج.ج جۇمىسسىزدىقتى قارجىلاندىرۋ 222,3 ملرد.تەڭگەنى قۇرايدى. ونىڭ ىشىندە 2021 جىلى - 76,7 ميلليارد تەڭگە، 2022 جىلى - 73,8 ميلليارد تەڭگە، 2023 جىلى - 71,8 ميلليارد تەڭگە بولىنەدى.

ال، 2020 جىلى بۇل ماقساتقا 76,8 ملرد. تەڭگە قاراستىرىلعان.

جوبانىڭ ارقاسىندا، مينيسترلىك كۇتكەندەي، 2021 جىلى جۇمىسسىزدىق دەڭگەيى 4,8% قۇرايدى. ونىڭ ىشىندە، ايەلدەر اراسىنداعى جۇمىسسىزدىق 5,3%، ال جاستاردا - 3,7% بولادى. الداعى ەكى جىلدا ينديكاتورلار 0,1 پايىزدىق تارماققا تومەندەيدى.

سونىمەن بىرگە، «ەڭبەك» باعدارلاماسىنا جۇمىسقا ورنالاسۋ ورتالىقتارىنا جۇگىنەتىندەردىڭ ۇلەسى 2021 جىلى 93,3% جانە 2023 جىلى 93,4% جەتەدى. سونداي-اق، ءوزىن-ءوزى جۇمىسپەن قامتىعان حالىقتا ناتيجەسىز جۇمىسپەن قامتىلعانداردىڭ ۇلەسى 2021 جىلى 9% جانە 2023 جىلى 8,9% قۇرايدى.

ەستەرىڭىزگە سالا كەتەيىك، بۇعان دەيىن ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ 2020 جىلدىڭ سوڭىندا قازاقستانداعى جۇمىسسىزدىق 6,1% قۇراۋى مۇمكىن ەكەنىن ايتقان.

Abai.kz