دەنساۋلىق ساقتاۋ مينيسترلىگى تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ توراعاسى تيمۋر سۇلتانگازيەۆ كوروناۆيرۋس بويىنشا كورسەتكىشى ەڭ جوعارى ايماقتى اتادى.

سۇلتانعازيەۆ قازاقستاندا كوروناۆيرۋس جۇقتىرعانداردىڭ سانى 65 188-گە جەتكەنىن ااتىپ ءوتتى. ونىڭ ىشىندە 32 248 ادامدا سيمپتومدى بەلگىلەرى بار، 25 688 ناۋقاس ەمدەلۋدى جالعاستىرۋدا، 39 066 ناۋقاس جازىلعان.

وتكەن اپتادا، 6 مەن 12 شىلدە ارالىعىندا رەسپۋبليكادا 11 325 ادام تىركەلدى. بۇل الدىڭعى اپتامەن سالىستىرعاندا 6,7 پايىزعا جوعارى.

«وتكەن تاۋلىكتە ۆيرۋس جۇقتىرعان 1674 ادام تىركەلىپ، بۇل كورسەتكىش 2,6 پايىزعا وسكەن. ەڭ كوپ جۇقتىرعاندار الماتىدا - 219 ادام، اتىراۋ وبلىسىندا - 218 ادام.

ەڭ كوپ ءوسىم سولتۇستىك قازاقستان وبلىسىندا - 5,1 پايىز، شىعىس قازاقستان وبلىسىندا - 3,9 پايىز.

رەسپۋبليكادا 25 688 ادام ەمدەلۋدى جالعاستىرۋدا، بالالار - 192, اۋرۋحانالاردا - 9966, امبۋلاتوريالىق نەگىزدە - 15 722 ادام»، - دەدى سۇلتانعازيەۆ وكق-دا وتكەن ءباسپاسوز كونفەرەنتسياسىندا.

سونداي-اق سۇلتانعازيەۆ 51 مەديتسينا قىزمەتكەرى كوروناۆيرۋس اۋرۋىنان قايتىس بولعانىن ايتتى. بۇعان دەيىن قايتىس بولعاننان كەيىن ماراپاتتالعان 42 دارىگەردىڭ ءتىزىمى جاريالانعان بولاتىن.

ونىڭ ايتۋىنشا، جاعدايى اۋىر ناۋقاستار انەستەزيولوگيا جانە قارقىندى تەراپيا بولىمشەلەرىندە ەمدەلۋدە. مۇنداي پاتسيەنتتەردىڭ جالپى سانى - 306, اۋىر حالدە - 265 پاتسيەنت بار. 41 ناۋقاس وتە اۋىر جاعدايدا. كوروناۆيرۋس ينفەكتسياسى بار 67 ادام ۆەنتيلياتورلارعا قوسىلعان. ءينۆازيۆتى ەمەس مەحانيكالىق جەلدەتۋ 133 ناۋقاس ءۇشىن قولدانىلادى. 106 ادام وتتەگى تەراپياسىن الادى، 9265 ادام وزدىگىنەن دەم الادى.

Abai.kz