بيىل ساۋىردە ەلدەگى پاندەمياعا قاتىستى جاعداي تۋرالى العاشقى بريفينگتە ترامپ ۆاكتسينا ازىرلەۋ مەن اۋرۋدى ەمدەۋ سالاسىنداعى جەتىستىكتەر جونىندە ايتقان.
ترامپ 21 شىلدەدە اق ۇيدە امەريكالىقتاردى مەديتسنالىق ماسكا تاعۋعا ۇندەپ، قۇراما شتاتتاردىڭ كەيبىر بولىگىندە "جاعداي الدەقايدا جاقسى" دەپ مالىمدەدى. بۇنىڭ الدىندا ترامپ بىرنەشە اي بويى ماسكا تاعۋدان باس تارتىپ جۇرگەن، ونى تاعۋ كەرەكتىگىن ايتپاعان. ەندى ترامپ ماسكا تاعۋدىڭ ۆيرۋستىڭ تارالۋىن شەكتەيتىنىن مالىمدەپ وتىر.
وتكەن تاۋلىكتە COVID-19 مىڭنان استام امەريكالىقتىڭ ءومىرىن جالمادى. ءدال وسىنداي رەكوردتىق كورسەتكىش 10 ماۋسىمدا تىركەلگەن ەدى.
الەمنىڭ باسقا دا مەملەكەتتەرى ەپيدەميانىڭ اۋىرتپالىعىن باسىنان وتكەرىپ جاتىر. اۆستراليادا مەلبۋرن تۇرعىندارىنا ماسكا تاعۋ مىندەتتەلدى. مەكسيكادا كوروناۆيرۋستان قايتىس بولعاندار 40 مىڭنان استى. برازيليادا ءبىر كۇندە 41 مىڭ ادامنىڭ كوروناۆيرۋس جۇقتىرعانى انىقتالىپ، ءبىر تاۋلىكتە 1 400 ناۋقاس قايتىس بولدى.
Abai.kz
