سارسەنبى, 30 قىركۇيەك 2020
COVID-19 قازاقستاندا. جۇقتىرعاندار — 107833. جازىلعاندار — 102805. قايتىس بولعاندار — 1725
46 - ءسوز 3079 5 پىكىر 4 تامىز, 2020 ساعات 16:34

كەيبىر مەملەكەتتەردىڭ كارتاسى قايتا سىزىلۋى مۇمكىن

ددسۇ 01.08.2020 جىلعى رەسمي ەسەبى بويىنشا الەمدە كوروناۆيرۋسقا شالدىققانداردىڭ سانى 18 ميلليوننان اسسا، قايتىس بولعاندار 689000 -عا جەتتى. ددسۇ مەملەكەتتەردىڭ جىبەرگەن رەسمي ەسەبىن عانا نەگىزگە الادى. الايدا كوپ مەملەكەتتەر ۆيرۋسقا قاتىستى شىنايى مالىمەتتەردى جاسىرۋدا. ەندەشە ۆيرۋسقا شالدىققاندار مەن سالدارىنان قايتىس بولعانداردىڭ سانى الدەقايدا كوپ دەگەن ءسوز.

2021 جىلدىڭ كوكتەمىنە دەيىن الەمدە 200-600 ميلليون اراسىندا ادام وسى ناۋقاسقا شالدىعۋى، 1,7-3,4 ميليون اراسىندا ادام وسى ىندەتتەن كوز جۇمۋى مۇمكىن دەگەن بولجام بار. جىل سوڭىنا دەيىن الەمدە قالىپتاسا باستاعان ەكونوميكالىق داعدارىس سالدارىنان 270 000 000 ادام اشتىققا دۋشار بولىپ، كۇنىنە 12000 ادام اشتىقتان ءولۋى ىقتيمال دەگەن قاۋىپ بار. دەمەك ۆيرۋستىڭ وزىنەن ونىڭ تيگىزەتىن سالدارى جويقىن بولىپ وتىر.

بۇل بولجام شىندىققا اينالعان جاعدايدا كوپتەگەن ءىرى كومپانيالار بانكروت بولىپ، تالاي مەملەكەتتەر دەفولت جاريالايدى دەگەن ءسوز. كوپ ەلدەردە كوتەرىلىس بولىپ، اياعى توڭكەرىسكە ۇلاسۋى مۇمكىن. كەيبىر مەملەكەتتەردىڭ كارتاسى قايتى سىزىلۋى دا عاجاپ ەمەس.

اللا ادامزاتتى مىنا ىندەتتەن تەزىرەك قۇتقارىپ، قالىپتى ومىرگە جىلدامىراق قاۋىشۋىن جازسىن!

قايرات جولدىبايۇلىنىڭ جازباسى

Abai.kz

5 پىكىر