"ەر ادامدى ۇيىندە پىشاقتاپ كەتكەن. شەلەك اۋىلىنىڭ اۋرۋحاناسىنا جەتكىزگەنمەن ونى قۇتقارۋ مۇمكىن بولمادى – ەر ادام جاراقاتتان كوز جۇمدى" دەلىنگەن حابارلامادا.

بۇل وقيعاعا بايلانىستى قىلمىستىق كودەكستىڭ 99-باپ 1-بولىگى ("ادام ءولتىرۋ") بابى بويىنشا سوتقا دەيىنگى تەرگەۋ امالدارى باستالعان.

پوليتسيا كۇدىكتىلەردى ىزدەستىرىپ جاتقانىن حابارلادى.

16 تامىزدا پوليتسيانىڭ اششىساي اۋىلىنا باراتىن جولدى جاپقانى تۋرالى اقپارات شىققان ەدى. ناقتى نە بولعانى ازىرگە بەلگىسىز. كەيبىر الەۋمەتتىك جەلى قولدانۋشىلارى وقيعانىڭ 2007 جىلى بايدىبەك بي اۋىلىندا بولعان "قازاقتار مەن شەشەندەر اراسىنداعى قاقتىعىسپەن" بايلانىستى ەكەنىن ايتادى.

قازا بولعان ادامنىڭ اتى-ءجونى نۇرلان احمەتوۆ. ونى تۋىستارى 16 تامىزدا جەرلەگەن. جەرگىلىكتى باق-تىڭ حابارلاۋىنشا، احمەتوۆ 2007 جىلعى قاقتىعىسقا بايلانىستى "شەشەن وتباسىنىڭ مۇلىكتەرىن ورتەدى" دەپ ايىپتالىپ، ءبىر جىلعا شارتتى تۇردە سوتتالعان.

ازاتتىق ءتىلشىسى جەرگىلىكتى پوليتسيا جانە اكىمدىككە حابارلاسقانمەن تەك جازباشا عانا جاۋاپ الا الدى جانە وندا جوعارىدا ايتىلعان اقپاراتتان باسقا ەشقانداي جاڭا دەرەك ايتىلمايدى.

قازىر اۋىلعا باراتىن جول اشىلعان. پوليتسيا قازا بولعان ادامنىڭ ۇيىندە تەرگەۋ جۇمىستارىن جۇرگىزىپ جاتىر.

2007 جىلدىڭ ناۋرىز جانە ءساۋىر ايلارىندا الماتى وبلىسىنداعى مالوۆودنوە اۋىلىندا جەرگىلىكتى قازاقتار مەن شەشەندەر اراسىندا قاقتىعىس بولعان. وقيعا بيليارد زالىنداعى ەرەگىستەن باستالىپ، از ۋاقىت ىشىندە ۇلكەن جانجالعا اينالعان. وعان ەكى تاراپتان جۇزدەگەن ادام قاتىسقان. ءىس ناسىرعا شاۋىپ، جانجال سوڭى وق اتۋمەن اياقتالعان، سالدارىنان بەس ادام قازا تاپقان.

Abai.kz