- ەلدە قاۋىپ-قاتەر توبىنا جاتاتىن ەكى ميلليون 182 مىڭ ادام (قازاقستان حالقىنىڭ 11,5 پروتسەنتى. — رەد.) بار. بۇلار - جۇرەك-قان تامىرلارى اۋرۋىمەن اۋىراتىندار، جاسى 65-تەن اسقاندار، قانت ديابەتى سەكىلدى سوزىلمالى اۋرۋى بار ادامار. ولاردى قورعايتىن ارنايى الەۋمەتتىك ەرەجە، زاڭدار بار. ال ءاربىر دەنى اسۋ، جۇمىس ىستەيتىن ادامار وزدەرىن ۆاكتسينامەن قامتاماسىز ەتۋى ءتيىس، - دەپ مالىمدەدى دەنساۋلىق ساقتاۋ مينيسترلىگىنىڭ رەسمي وكىلى باعدات قوجاحمەتوۆ.
سونداي-اق ول قازاقستاندىقتاردىڭ بارلىعىن مىندەتتى الەۋمەتتىك مەديتسينالىق ساقتاندىرۋ قورىنىڭ ەسەبىنەن ەكپەمەن قامتاماسىز ەتۋدىڭ ءجونى جوق ەكەنىن ايتادى.
- مەنىڭشە، دەنى ساۋ ازاماتتاردىڭ قاۋىپ توبىنا ەنۋگە ۇمتىلۋى اقىلعا قونىمسىز. جالپى تەگىن كورسەتىلەتىن مەديتسينالىق كومەككە قاتىستى بەكىتىلگەن زاڭناما مەن الەۋمەتتىك تالاپتار بار. وعان قوسا، دەنى ساۋ ءارى جۇمىسى بار ءاربىر ازامات ءوزىن دارىمەن جانە ۆاكتسينامەن قامتاماسىز ەتۋگە مىندەتتى. مەنىڭ ۇستانىمىم وسىنداي. بۇنىمەن بارلىق تۇرعىن كەلىسەدى دەگەن پىكىردەمىن، - دەدى
ول قازاقستاننىڭ Covax Facility باعدارلاماسىنا ەنگەنىن، وعان سايكەس، حالىقتىڭ ءاربىر بەسىنشى تۇرعىنىنا ۆاكتسينا تەگىن ەگىلەتىنىن جەتكىزگەن. ول ۆاكتسينا ساتىپ الۋ ءۇشىن كولىك شىعىنىن ەسەپتەمەگەندە، 18 ملرد تەڭگە (43 ملن دوللار) كەرەك ەكەنىن ايتقان.
ۆاكتسينا جانە يممۋنيزاتسيا (GAVI) جونىندەگى عالامدىق اليانستىڭ مالىمەتى بويىنشا، ۆاكتسينانىڭ ءبىر سالۋ مولشەرى 10-20 دوللار شاماسىندا بولادى.
اقش-تىڭ دەنساۋلىق ساقتاۋ مينيسترلىگى امەريكالىقتاردىڭ ءبارى COVID-19 ۆيرۋسىنا قارسى ۆاكتسينانى تەگىن الاتىنىن جەتكىزگەن.
قازاقستاندا تەگىن مەديتسينالىق قىزمەت كورسەتۋگە ارنالعان مەديتسينالىق ساقتاندىرۋ قورى جۇمىس ىستەيدى. جۇمىس ىستەيتىن بارلىق ازاماتتار اي سايىن تولەم تولەپ وتىرۋى ءتيىس: قازىر ايلىعىنىڭ ءبىر پروتسەنتىن، 2021 جىلدان باستاپ ەكى پرووتسەنتىن تولەپ وتىرۋى ءتيىس.
قازىر الەمدە ۆاكتسينانىڭ 100 شاقتى ءتۇرىن ازىرلەپ جاتىر. بىرقاتارى ادامدارعا تاجىريبە جۇرگىزەتىن سوڭعى كەزەڭىنە جاقىندادى.
12 تامىزدا ەل پرەزيدەنتى قاسىم-جومارت توقاەۆ كۇزدە ۆاكتسينا ساتىپ الۋ ءۇشىن ماسكەۋگە ۇكىمەت دەلەگاتسياسىن جىبەرەتىنىن مالىمدەگەن. كەيىن قوجاحمەتوۆ قازاقستان بارلىق سىناقتان تولىق وتپەگەن ۆاكتسينانى ساتىپ المايتىنىن جەتكىزدى. 14 تامىزدا قازاقستاننىڭ باس سانيتارلىق دارىگەرى ايجان ەسماعامبەتوۆا ساتىلىمعا ءبىرىنشى شىققان ۆاكتسينانى الامىز دەدى.
Abai.kz
